08:17 18 Тогуздун айы 2021
Түз эфир
  • USD84.8000
  • EUR98.4062
  • RUB1.1904
Саясат
Кыскача шилтеме алуу
Жогорку Кеңешке жаңы тартип менен болчу шайлоо (52)
953 0 0

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген.

БИШКЕК, 23-сен. — Sputnik. Мамлекеттик кызматкерлер ыйгарым укуктарын пайдаланып шайлоонун жыйынтыгын өзгөртүүгө аракет кылганы билинсе, иштен кетирилип, атургай кылмыш жоопкерчилигине тартылышы мүмкүн. Бул тууралуу Жогорку Кеңештин депутаттарын шайлоого даярдык көрүү жана өткөрүү боюнча республикалык штабдын биринчи отурумунда айтылды.

Первое заседание Республиканского штаба по подготовке и проведению выборов депутатов Жогорку Кенеша. 23 сентября 2021 года
© Пресс-служба президента КР / Султан Досалиев
Мамлекеттик кызматкерлер ыйгарым укуктарын пайдаланып шайлоонун жыйынтыгын өзгөртүүгө аракет кылганы билинсе, иштен кетирилип, атургай кылмыш жоопкерчилигине тартылышы мүмкүн

Мамлекет башчынын маалымат кызматынан кабарлагандай, алгачкы кеңешмеге Коопсуздук кеңешинин катчысы Марат Иманкулов төрагалык кылды. Иманкулов Республикалык штабдын негизги тапшырмасы парламенттик шайлоону таза жана ачык-айкын өткөрүү экенин айтты.

Ошондой эле ал шайлоочулардын добушун массалык түрдө сатып алуу жана добуш берүүнүн жыйынтыктарын бурмалоо бир нече жолу элдик толкундоолорго алып келгенин эске салды.

"Мамлекеттик кызматкерлер өз ыйгарым укуктарын добуш берүүнүн жыйынтыгына таасир этүү үчүн пайдаланса, ээлеген кызматынан бошотулат. Ал эми аракеттеринде кылмыштын курамы болсо – кылмыш жоопкерчилигине тартылат. Шайлоодо мугалим, дарыгер, социалдык кызматкерлер жана квартал башчыларын пайдаланган фактылар аныкталса, катуу чаралар көрүлөт", — деди Иманкулов.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

Тема:
Жогорку Кеңешке жаңы тартип менен болчу шайлоо (52)

Тема боюнча

Парламенттик шайлоону өткөрүүгө канча каражат кетери белгилүү болду
Белгилер:
Кыргызстан, Жогорку Кеңеш, шайлоо, Марат Иманкулов, даярдык

ЭҢ МААНИЛҮҮ