Еврокеңештин башчысы Жапаровду Брюсселде чыдамсыздык менен күтүп жатышканын айтты

© Sputnik / Алексей Витвицкий / Медиабанкка өтүүЕвропа кеңешинин төрагасы Шарль Мишель. Архив
Европа кеңешинин төрагасы Шарль Мишель. Архив - Sputnik Кыргызстан, 1920, 30.08.2021
Жазылуу
Сүйлөшүүдө тараптар кыргыз-европалык көп пландуу кызматташтыктын актуалдуу маселелерин талкуулашты. Региондогу кырдаалдын өнүгүшү, анын ичинде Афганистандагы абал боюнча да пикир алмашуу болду.

БИШКЕК, 30-авг. — Sputnik. Европа кеңеши быйыл Кыргызстандын президенти Садыр Жапаровдун Брюсселге сапарын чыдамсыздык менен күтүп жатат. Бул тууралуу аталган кеңештин төрагасы Шарль Мишель өлкө башчысы менен болгон телефон аркылуу сүйлөшүүдө айтканын президенттин маалымат кызматы билдирди.

Диалог Европа кеңеши тарабынан демилгеленген.

Тараптар кыргыз-европалык көп пландуу кызматташтыктын актуалдуу маселелерин талкуулашкан. Ошондой эле региондогу кырдаалдын өнүгүшү, анын ичинде Афганистандагы абал боюнча пикир алмашышкан.

Өлкө башчысы Садыр Жапаров Өзбекстандын президенти Шавкат Мирзиёев менен жолугушуу учурунда. Архив - Sputnik Кыргызстан, 1920, 30.08.2021
Жапаров Өзбекстандын президенти Мирзиёев менен телефондон сүйлөштү
Еврокеңештин төрагасы Кыргызстандын көз карандысыздыгынын 30 жылдыгына байланыштуу эң жакшы тилектерин айтып, Европа үстүбүздөгү жыл ичинде Садыр Жапаровдун Брюсселге келишин чыдамсыздык менен күтүп жатканын белгилеген.

Президент өз кезегинде Кыргызстан үчүн Европа биримдиги менен ар тараптуу өнөктөштүктү бекемдөө тышкы саясаттагы артыкчылыктуу багыттардын бири экенине өзгөчө токтолгон.

Жапаров акыркы жылдары эки тараптуу багыттагы алака кеңейип жатканын белгилеп, кыргыз тараптын кызматташтыкты мындан ары да өнүктүрүүгө жана бекемдөөгө даярдыгын билдирген.
Европа кеңешинин төрагасы Шарль Мишель үстүбүздөгү жылдын ноябрь айына пландалган “Борбордук Азия – Европа биримдиги” бизнес-форумуна катышуу үчүн Бишкекке делегация жөнөтүүгө даяр экендигин ырастаган.

Жаңылыктар түрмөгү
0