17:29 20 Тогуздун айы 2021
Түз эфир
  • USD84.7931
  • EUR98.5847
  • RUB1.1933
Саясат
Кыскача шилтеме алуу
Афган бийлиги менен талибдердин тиреши (261)
13910

Казак тарап Афганистандагы кырдаалда жаралган маселелер боюнча мындан ары да жардам көрсөтүүгө даярдыгын белгиледи.

БИШКЕК, 18-авг. — Sputnik. Тышкы иштер министри Руслан Казакбаев Казакстандын ТИМ башчысы Мухтар Тлеуберди менен телефон аркылуу сүйлөштү.

Баарлашуу кыргыз тараптын демилгеси менен уюштурулган. Анда министрлер кыргыз-казак мамилелеринин күн тартибиндеги актуалдуу маселелерди талкуулап, Афганистандагы аскердик-саясий абалдын курчушун эске алуу менен эл аралык жана аймактык маселелер боюнча пикир алмашышты.

Казакбаев Казакстандын жетекчилигине жана Тышкы иштер министрлигине Кыргызстандын 15 жаранын Кабул шаарынан эвакуациялоого, ошондой эле КРдин Афганистандагы элчилигине көрсөткөн жардамы үчүн ыраазычылык билдирди.

"Бул көрүнүш биздин өлкөлөр ортосундагы бир туугандык, союздаштык жана ынак коңшулук мамилелердин жогорку деңгээлинин далили катары эсептелет", — деди Казакбаев.

Тлеуберди казак тарап бул багыттагы маселелер боюнча мындан ары да жардам көрсөтүүгө даяр экендигин белгиледи.

Тараптар кырдаал курчуп кеткен учурда тез арада жооп берүү жана шашылыш маселелерди чечүү максатында Афганистандагы абал боюнча өзүлөрүнүн чет өлкөдөгү мекемелери жана Тышкы иштер министрликтери аркылуу, анын ичинде ЖККУнун алкагындагы өнөктөш өлкөлөр жана башка регионалдык уюмдар менен мындан аркы аракеттерди координациялоону макулдашышты.

Мындан сырткары, Нур-Султан шаарында боло турган Борбор Азияда Өзөктүк куралдан эркин аймак жөнүндө келишимге катышкан мамлекеттердин ТИМ башчыларынын жолугушуусуна катышууга даярдыктар талкууланган.

Тема:
Афган бийлиги менен талибдердин тиреши (261)

Тема боюнча

ТИМ Афганистан боюнча билдирүү таратып, Памирдеги кыргыздарды коргоого чакырды
Белгилер:
Руслан Казакбаев, Мухтар Тлеуберди, сүйлөшүүлөр, Казакстан, министр

ЭҢ МААНИЛҮҮ