БИШКЕК, 16-авг. — Sputnik. Миргазы Исаков Бишкек шаарынын мэриясынын аппаратынын жетекчиси болуп дайындалды. Бул тууралуу аталган мекеме билдирди.
Тийиштүү буйрукка мэрдин милдетин аткаруучу Айбек Жунушалиев кол койгон. Исаков буга чейин президенттин администрациясынын уюштуруу-инспектордук иштер жана аймактар менен өз ара аракеттенүү бөлүмүнүн инспектору болуп иштеп келген.
Ал президент Садыр Жапаровдун ротация боюнча жарлыгынын алкагында которулган.
15 Баш оона 2021, 18:48
Миргазы Исаков 1976-жылдын 2-мартында Фрунзе шаарында туулган. Мамлекеттик кызматта мол тажрыйбасы бар экени жазылган. Тагыраак айтканда, Кыргызпатентте, УКМКда, Тышкы иштер министрлигинде, "Кабар" улуттук маалымат агенттигинде, өкмөттүн аппаратында жана президенттин администрациясында эмгектенген. Мындан сырткары, Пекинде ШКУнун катчылыгында улук эксперт, БУУнун Дүйнөлүк азык-түлүк программасынын Бишкектеги офисинде саясий кеңешчи, ошондой эле эл аралык уюмдардын бир катар долбоорлорунда иштеген.
Дипломатиялык кызматтын экинчи класстагы кеңешчиси рангын алган.
