09:25 26 Аяк оона 2021
Түз эфир
  • USD84.8000
  • EUR99.5213
  • RUB1.1615
Саясат
Кыскача шилтеме алуу
221 0 0

Талант Узакбаев "Кумтөр" долбоорун ишке ашырууда коррупцияга шектелип май айынын аягында кармалып, эки айга камалган.

БИШКЕК, 4-авг. — Sputnik. Бишкектеги Биринчи май райондук соту экс-депутат Талант Узакбаевди Кумтөр иши боюнча күнөөлүү деп тапты. Бул тууралуу аталган соттун маалымат кызматы кабарлады.

Эске салсак, Талант Узакбаев "Кумтөр" долбоорун ишке ашырууда коррупцияга шектелип кармалып, кийин УКМКнын тергөө абагына киргизилген.

"Экс-депутат Биринчи май райондук соту тарабынан Кылмыш-жаза кодексинин 319-беренесинин 2-бөлүгү ("Коррупция") боюнча күнөөлүү деп табылды. Ушул эле Кодекстин 80-беренесинин 3-бөлүгү боюнча аны айыпка жыккан. Ага ылайык, экс-депутат мамлекетке 300 000 миң сом айып төлөшү керек", — деп жазылат билдирмеде.

Маалым болгондой, мындай өкүм күчүнө киргенден кийин тергөө абагында отурган Талант Узакбаев эркиндикке чыгат. Өкүмгө макул болбогон тарап 30 күндүн аралыгында Бишкек шаардык сотуна кайрылууга укуктуу.

Белгилей кетсек, Кумтөр маселеси боюнча өлкөдө бир нече аткаминер кармалды. Кечээ дал ушул иш боюнча мурдагы премьер-министр Темир Сариев колго түшүрүлгөн.

Тема боюнча

УКМК: экс-премьер-министр Темир Сариев кармалды
"Кумтөр" кимдерди ала жатат. Ташиев Акаев, Бакиев баш болгон бир топ ысымдарды атады
Белгилер:
Талант Узакбаев, Кумтөр, коррупция, сот, айып

ЭҢ МААНИЛҮҮ