Бишкек менен Оштун шаардык кеңеши мэрликке талапкер көрсөтө албайт. Долбоор

© Sputnik / Табылды КадырбековДеятельность мэрии Бишкека
Деятельность мэрии Бишкека - Sputnik Кыргызстан, 1920, 21.07.2021
Жазылуу
Шаардык кеңешке кайсы бир талапкерди жактырып же четке кагуу үчүн беш күн убакыт берүү сунушталды. Эгер бул мөөнөттө каралбаса, макулдук алынды деп эсептелинет.

БИШКЕК, 21-июл. — Sputnik. Президент Садыр Жапаров Бишкек жана Ош калааларынын мэрлеринин кызмат ордуна шаардык кеңештин фракциялары жана коалициялары талапкерлерди көрсөтүүсүн мындан ары токтотууну сунуштады.

"КРдин жергиликтүү өз алдынча башкаруу жөнүндө" мыйзам долбоору мамлекет башчынын сайтына жарыяланды. Биринчи окуу 22-июлга пландалды.

Анда Бишкек жана Ош шаарларынын мэрлерин шайлоо эрежелерин өзгөртүү сунушталууда:

  • мэрлерди жергиликтүү кеңештин макулдугу менен министрлер кабинетинин төрагасы дайындайт;
  • шаардык кеңештин макулдугун алуу үчүн бир киши сунушталып, беш күндүн ичинде анын талапкерлиги жактырылып же четке кагылышы керек;
  • эгерде тиешелүү убакытта талапкер каралбаса, ал жактырылган болуп эсептелинет;
  • эгерде көрсөтүлгөн мөөнөттө дайындоодон баш тартуу тууралуу билдирме келип түшсө, министрлер кабинетинин башчысы мэрди өз алдынча дайындай алат;
  • мэрдин ыйгарым укуктары шаардык кеңештин ыйгарым укуктарынын мөөнөтүнө же болбосо министрлер кабинетинин төрагасынын алмашуусуна байланыштуу эмес.

Учурдагы мыйзамга ылайык, Бишкек жана Ош калааларынын мэрлери шаардык кеңеш тарабынан шайланган мөөнөткө чейин иштейт. Талапкерлерди көрсөтүүгө шаардык кеңештин фракциялары, алардын коалициялары жана премьер-министр укуктуу.

Жаңылыктар түрмөгү
0