https://sputnik.kg/20210628/shaardyk-kenesh-shajloo-yrchy-akter-1053029339.html

Шаардык кеңешке депутат болом деген ырчы, актёр, журналисттер

Шаардык кеңешке депутат болом деген ырчы, актёр, журналисттер

Sputnik Кыргызстан

Sputnik Кыргызстан шаардык кеңешке депутат болом деген талапкерлердин тизмесин жазып жатып, арасынан эл көзүндөгү маданият, медиа өкүлдөрүн тапты. 28.06.2021, Sputnik Кыргызстан

2021-06-28T18:30+0600

2021-06-28T18:30+0600

2021-12-14T14:27+0600

бишкек, ош жана токмок шаарларында кайрадан өтө турчу шайлоо

жаңылыктар

коом

кыргызстан

саясат

маданият

бишкек шаардык кеңеши

шайлоо

талапкер

ырчы

https://sputnik.kg/img/07e5/06/1c/1053029242_0:304:2971:1975_1920x0_80_0_0_48661c580f1cf9706fc63785307a6f13.jpg

Бишкек шаардык кеңешине шайлоо кайрадан өтмөй болуп, 11-июлга белгиленди. Бул ирет БШКга 17 партия ат салышууда. Буга чейинки шайлоого талапкер катары ырчы Анжелика Кайратова, жарандык активист Болот Ибрагимов аттанса, бул ирет аларды тизмеден көрө алган жокпуз.Азиз Мурадиллаев, актёрБелгилүү актёр, КРдин эмгек сиңирген артисти Азиз Мурадиллаев шаардык кеңешке "Күч биримдикте" партиясы менен аттанган. Аны тизменин 4-катарынан көрүүгө болот. 43 жаштагы кино жана сахна жылдызы 40тан ашык спектаклде ойноп, кинодо "Каракыз", "Сүйүү сынагы", "Апамдын махабаты", "Чиркин өмүр", "Жараланган турна", "Президент жана бомж", "Курманжан датка", "Ата" тасмаларында роль жараткан.Нуркыз Караева, алып баруучу, журналистУшул эле партия менен шаардык кеңешке КТРКнын кызматкери, "Замана" студиясынын алып баруучусу жана кабарчысы Нуркыз Караева бара жатат. Ал партиянын тизмесинде 3-катарда. 34 жаштагы талапкер алып баруучулуктан сырткары окуу жайда студенттерге сабак берет.Нурсултан Жакыпбек уулу, алып баруучу"Күч биримдикте" партиясынын тизмесинен 25 жаштагы Нурсултан Жакыпбек уулун көрүүгө болот. Ал КТРКнын "Ала-Тоо 24" телеканалында диктор жана алып баруучу. Талапкер партия тизмесинин 17-катарында.Самат Дөлөтбаков, ырчыБишкек шаардык кеңешине "Эмгек" партиясы менен ырчы Самат Дөлөтбаков аттанган. Тизмеде Дөлөтбаков жетинчи болуп жазылган. Ал чыгармачылыктан сырткары ишкерлик менен алектенип, коомдук иштерге активдүү катышып келет. Дөлөтбаков журнал, акылдуу китептерди басып чыгарып, мектеп, парфюмерия саткан жайларын да негиздеген.Болот Абдыжапаров, журналистУшул эле "Эмгек" партиясы менен Бишкек шаардык кеңешине 37 жаштагы журналист Болот Абдыжапаров да бара жатат. Партиянын тизмесинде ал 33-катарга илинген. Абдыжапаров буга чейин бир нече телеканалдарда кабарчы, журналист болуп эмгектенген. Учурда ал өлкөдөгү жеке менчик телеканалдардын биринде продюсер.Назира Бердигулова, алып баруучу, актрисаШайлоодо өз күчүн жана дараметин сынап көрөйүн дегендердин катарында алып баруучу, актриса Назира Бердигулова бар. Ал Бишкек шаардык кеңештин шайлоосуна "Ынтымак" партиясы менен катышып жатат. 32 жаштагы талапкерди партиянын тизмесинин 18-катарынан табууга болот. Назира Бердигулова буга чейин "Мезгил жана Алыкул", "Мен сүйгөн карагат" сыяктуу тасмаларда роль жаратып, клиптерге тартылып келет.Эркин Нурбаев, алып баруучу, блогерТамада, алып баруучу, шоумен Эркин Нурбаев шаардык "Реформа" партиясы менен бара жатат. Нурбаев тизмеде 31-катарда. Буга чейин ал ЭлТР, НТС телеканалдарында көңүл ачуучу программаларын алып барып, той, ар кандай иш-чараларды тейлечү.Жайнагүл Калчаева, ырчыШаардык кеңешке депутат болом дегендердин арасында "Маданияттын мыкты кызматкери" наамынын ээси, ырчы Жайнагүл Калчаева бар. Ал 61 жашта. Учурда Улуттук маданият борборунда башкы адис болуп иштейт. Калчаева фольклор жаатындагы чыгармаларды аткарып келет. Ырчы "Достор" тобунун солисти.Космосбек Чыдынов, мурдагы дикторКоомдук телеберүү корпорациясынын мурдагы диктору жана алып баруучусу Космосбек Чыдынов шаардык кеңешке "Биздин Кыргызстан" партиясы менен аттанган. Ал партиянын тизмесинде 10-орунда. 41 жаштагы талапкер буга чейин президенттин аппаратында, Жогорку Кеңеште иштеген.Канышай Рысбекова, алып баруучу27 жаштагы алып баруучу Канышай Рысбекова шайлоого катышып жаткан "Биздин Кыргызстан" партиясындагы талапкерлердин катарында. Ал тизмеде Канышай Ырысбек кызы деп 29-болуп катталган. Буга чейин ал ЭлТР, НТС телеканалдарында көңүл ачуу программаларын алып барган. Соцтармактын активдүү колдонуучусу. 

2021

Жаңылыктар

kg_KG

бишкек, ош жана токмок шаарларында кайрадан өтө турчу шайлоо, жаңылыктар, коом, кыргызстан, саясат, маданият, бишкек шаардык кеңеши, шайлоо, талапкер, ырчы, актер, алып баруучу