02:22 05 Баш оона 2021
Түз эфир
  • USD84.7102
  • EUR100.3901
  • RUB1.1638
Саясат
Кыскача шилтеме алуу
"Кумтөргө" 3 миллиард доллар айып салынышы (95)
944 0 0

Centerra коомдук фонддорго берген, демөөрчүлүк кылган каражаттарды салыктын же экологияга келтирген зыяны үчүн салынган айыптын эсебинен бөлгөнүн белгиледи.

БИШКЕК, 12-май. — Sputnik. Centerra Gold Inc компаниясы Кыргызстанга 2,5 эсе аз акча которуп, маалыматтарды манипуляциялаган. Бул тууралуу "Кумтөр" компаниясынын ишмердүүлүгүн текшерген мамлекеттик комиссиянын төрагасы Акылбек Жапаров жыйында билдирди.

Учурда мамлекеттик комиссия текшерүүнүн корутундусун жарыялап жатат.

"Биз Centerra Gold Inc компаниясынын сайтын карап, алар маалыматты манипуляциялаган деген бүтүмгө келдик. Анда Кыргызстанга 4 миллиард 485 миллион 952 миң доллар которулганы жазылган. Чыгымдарынын басымдуу бөлүгүн Кыргызстанга жумшаганын көрсөткөн. Бирок алар чынында бизнес чыгымдарына колдонгон. Иш жүзүндө "Кумтөр" ачылгандан бери, тагыраагы, 26 жылда Кыргызстанга 1 миллиард 750 миң 818 миң доллар которгон. Анын дагы 90 пайызын салык катары төлөгөн. Калган цифралар манипуляцияланып, компаниянын Кыргызстанга бөлгөн каражаты катары көрсөткөн. Чынында 2,5 эсе аз которгон", — деди Жапаров.

Мындан сырткары, ал Centerra коомдук фонддорго берген, демөөрчүлүк кылган каражаттарды операциялык чыгымдары же салыктын, экологияга келтирген зыяны үчүн салынган айыптын эсебинен бөлгөнүн белгиледи. Мындан улам аны демөөрчүлүк жардам деп атоо туура эмес экенин айтты.

Тема:
"Кумтөргө" 3 миллиард доллар айып салынышы (95)

Тема боюнча

"Кумтөрдүн" жетекчилери суракка чакырылды
Centerra Gold компаниясы Кумтөргө байланыштуу абал боюнча үн катты
Сот "Кумтөр" компаниясын мамлекетке 262 млрд. сом төлөөгө милдеттендирди
Белгилер:
комиссия, Кумтөр, айып, манипуляциялоо

ЭҢ МААНИЛҮҮ