УКМК: Марат Аманкулов 50 миллион сом төлөдү, аныкталгандан кийин дагы төгөт

© пресс-служба мэрии города БишкекЖКнын экс-депутаты Марат Аманкулов. Архив
ЖКнын экс-депутаты Марат Аманкулов. Архив - Sputnik Кыргызстан, 1920, 01.04.2021
Жазылуу
Марат Аманкулов кызматта турганда мыйзамсыз баюуга, ошондой эле тиешелүү салык төлөмдөрүн төлөбөй коюуга шектелген болчу.
БИШКЕК, 1-апр. — Sputnik. Жакында мандатынан ажыратылган ЖКнын экс-депутаты Марат Аманкулов 50 миллион сом өлчөмүндөгү зыянды УКМКнын депозиттик эсебине которду, ал эми калган бөлүгүн келтирилген зыяндын көлөмү так аныкталгандан кийин этап-этабы менен төлөйт. Бул туурасында УКМКнын маалымат кызматы кабарлайт.
Бул чечим Кылмыш-жаза кодексинин 323-беренеси ("Мыйзамсыз баюу") кылмыш курамынын негизинде катталган сотко чейинки өндүрүштүн алкагында кабыл алынган.
Абактагы киши. Архив - Sputnik Кыргызстан, 1920, 31.03.2021
Бишкектин мурдагы вице-мэри менен УКМКнын кызматкери кармалды
Буга чейин УКМК экс-депутаттын активдеринин жалпы орточо базар баасы 1,5 миллиарддан ашык сомду түзөрүн билдирген.
Аманкулов кызматта турганда мыйзамсыз баюуга, ошондой эле тиешелүү салык төлөмдөрүн төлөбөй коюуга шектелген болчу. Такталган маалымат боюнча, Аманкуловдун жакын туугандары жана аффилирленген адамдары тарабынан кымбат баалуу кыймылдуу жана кыймылсыз мүлктү алышкандыгы жана алардын жалпы баасы расмий кирешелеринен иш жүзүндөгү көрсөткүчтөн бир нече эсе ашыкча экендиги аныкталган.
"Кылмыш жолу менен алынган кыймылдуу жана кыймылсыз мүлктүн белгилерин жашыруу максатында активдерин кирешелери расмий тастыкталбаган жакын туугандарына каттаткан. Мүлктү легалдаштыруу максатында банк мекемелеринде кредиттик насыя алуу жолу менен активдерди жакын туугандарына каттаганы аныкталган", — деп айтылган маалыматта.
Аманкулов 2008-2020-жылдар аралыгында өзүнүн саясий таасиринен жана Бишкек шаардык кеңешиндеги жана Жогорку Кеңештеги кызмат абалынан пайдаланып, активдерин кыйла көбөйткөн деп болжолдонууда.
Жаңылыктар түрмөгү
0