13:57 11 Бугу 2021
Түз эфир
  • USD84.7112
  • EUR103.0978
  • RUB1.1491
Саясат
Кыскача шилтеме алуу
Садыр Жапаровдун Өзбекстанга болгон мамлекеттик сапары (20)
64 0 0

Мамлекет башчы Садыр Жапаров Олий Мажлисинин жогорку жана төмөнкү палаталарынын спикерлери менен жолукту. Тараптар эки өлкө ортосундагы байланышты жогорку деңгээлге чыгаруу боюнча маселелерди талкуулашты.

БИШКЕК, 12-мар. — Sputnik. Кыргызстандын президенти Садыр Жапаров Өзбекстанга жасаган мамлекеттик сапарынын алкагында бүгүн, 12-мартта, Олий Мажлисинин сенатынын төрайымы Танзила Нарбаева жана мыйзам чыгаруу палатасынын төрагасы Нурдинжон Исмоилов менен жолукту. Бул тууралуу президенттин маалымат кызматынан билдиришти.

  • Президент Кыргызской Республики Садыр Жапаров во время встречи с председателем сената Олий Мажлиса Республики Узбекистан Танзилой Нарбаевой. 12 марта 2021 года
    Кыргызстандын президенти Садыр Жапаров Өзбекстанга жасаган мамлекеттик сапарынын алкагында бүгүн, 12-мартта, Олий Мажлисинин сенатынын төрайымы Танзила Нарбаева менен жолукту
    © Пресс-служба президента КР / Султан Досалиев
  • Президент Кыргызской Республики Садыр Жапаров во время встречи со спикером законодательной палаты Олий Мажлиса Республики Узбекистан Нурдинжоном Исмоиловым. 12 марта 2021 года
    Кыргызстандын президенти Садыр Жапаров Өзбекстанга жасаган мамлекеттик сапарынын алкагында бүгүн, 12-мартта, Олий Мажлисинин мыйзам чыгаруу палатасынын төрагасы Нурдинжон Исмоилов менен жолукту
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кыргызстандын президенти Садыр Жапаров Өзбекстанга жасаган мамлекеттик сапарынын алкагында бүгүн, 12-мартта, Олий Мажлисинин сенатынын төрайымы Танзила Нарбаева менен жолукту

Төрайым менен талкууланган маселелер

Президент Садыр Жапаров Өзбекстан менен парламенттер аралык кызматташуунун ырааттуу өнүгүшүнө абдан кызыкдар экенин билдирди.  Ал 2019-жылы эле пландалып, бирок бир катар объективдүү себептерден улам кийинкиге жылдырылган Танзила Нарбаеванын Кыргызстанга боло турган расмий сапарын күтүп жатканын да кошумчалады.

Мындан сырткары, президент эки элдин ортосундагы достукту бекемдөөнүн олуттуу факторлорунун бири катары маданий диалогдун маанилүүлүгүнө токтолду.

Бул өңүттө ал жергиликтүү элдин, жаштардын ортосундагы өз ара бир туугандык мамилелерди чыңдоо максатында Кыргызстан менен Өзбекстандын чек ара райондорунун аймагында маданий-спорттук иш-чараларды арбын өткөрүү зарылдыгын баса белгиледи.

Ал эми Олий Мажлисинин сенатынын төрайымы Танзила Нарбаева президент Садыр Жапаровдун сапары эки мамлекеттин мамилелеринин жаңы барагын ачып жатканын айтты.

Ал өлкө парламенти, анын ичинде Жогорку палата Кыргызстан менен Өзбекстандын президенттеринин сүйлөшүүлөрүндө жетишилген бардык келишимдерди ишке ашырууга, ошондой эле парламенттер аралык жана аймактык кызматташууну өнүктүрүүгө ар тараптан көмөктөшөрүнө ишендирди.

Сенат төрайымынын айтымында, эки өлкөнүн мыйзамдарын гармонизациялоо үчүн парламенттер ортосунда маалыматтык-аналитикалык багыт боюнча кызматташууну өнүктүрүү зарыл.

Төрага менен талкууланган маселелер

Президент Садыр Жапаров Өзбекстан менен парламенттер аралык байланыштарды кеңейтүүгө кызыкдар экенин билдирип, пандемияга байланыштуу жылдырылган иш-чаралар, анын ичинде эки өлкөнүн парламенттер ортосундагы кызматташуу боюнча парламенттер аралык комиссиясынын үчүнчү жыйыны жакынкы мезгилде боло тургандыгына үмүт артарын айтты.

Ошондой эле ал эки өлкөнүн соода-экономика жаатындагы зор потенциалы толук ачылбай жатканына да токтолуп, кыргыз тарап эки мамлекеттин рыногунда товар жүгүртүү менен кызмат көрсөтүүлөргө жагымдуу шарт түзүү боюнча биргелешип иштөөгө даярдыгын белгиледи.

Ал эми Өзбекстан Олий Мажлисинин мыйзам чыгаруу палатасынын төрагасы Нурдинжон Исмоилов Өзбекстан парламентинин төмөнкү палатасы эки өлкө ортосунда жогорку деңгээлде жетишилген келишимдерди ишке ашырууга көмөктөшүү үчүн бардык күч-аракетин жумшай тургандыгына токтолуп өттү.

Тема:
Садыр Жапаровдун Өзбекстанга болгон мамлекеттик сапары (20)

Тема боюнча

Садыр Жапаров менен Шавкат Мирзиёев биргелешкен билдирүү жасашты
Инвестфонд түзүлөт. Жапаров менен Мирзиёев кол койгон документтер
Белгилер:
жолугушуу, жетекчи, парламент, Өзбекстан, Садыр Жапаров

ЭҢ МААНИЛҮҮ