Айыптоого эч негиз жок. КТРК дебаттын өчүрүлүшү боюнча билдирүү таратты

© Sputnik / Табылды КадырбековКыргыз Республикасынын герби менен трибуна. Архив
Кыргыз Республикасынын герби менен трибуна. Архив - Sputnik Кыргызстан
Жазылуу
Кечээ президенттикке талапкерлердин теледебаты аяктары менен социалдык тармактан түз эфирдин видеосу жоголуп кеткен.

БИШКЕК, 31-дек. — Sputnik. Коомдук телерадио корпорациясы кечээ кечинде түз эфирге чыккан президенттикке талапкерлердин дебатынын видеосу эмнеге өчүп калганын түшүндүрүп, расмий билдирүү таратты.

Маалыматта КТРК Youtube каналы аркылуу түз эфирден көрсөткөндөн кийин видеохостингге сакталары белгиленет. Ал эми трансляция бүткөндөн кийин Youtube баракчасында начар сапатта калгандыктан, ал өчүрүлүп HD форматындагы сапаттуу видеого алмаштырылары айтылат.

"Түз эфирдеги теледебаттын видеосун алмаштыргандан кийин жаңы сапаттагы форматы маалыматтарды сактоочу каналдан чыгып кеткен. Ушуга байланыштуу 30-декабрдагы теледебаттын видеосу Youtube каналына жүктөлбөй калган. Бул техникалык мүчүлүштүк калыбына келтирилери менен видеохостингге жүктөлүп, көрүүгө мүмкүнчүлүк жаралат", — деп айтылат маалыматта.

Ошону менен катар КТРК теледебаттар ачык аянтчада, бардык талапкерлерге бирдей шарт түзүү менен өткөрүлүп жатканын айтат. Телеканалды мындай цензурага айыптоого кымындай дагы негиз жок деп эсептей турганы баса белгиленген.

Жогорку Кеңештин имараты. Архив - Sputnik Кыргызстан
Президент болом деген 4 талапкер бирикти. Себеби жана максаты
Эскерте кетсек, кечээ теледебаттардын биринчи турунун акыркы бөлүгү аяктаган. Телеканал Бабыржан Төлбаев, Курсан Асанов, Равшан Жээнбеков, Жеңишбек Байгуттиев, Улукбек Кочкоров жана Абдил Сегизбаевдин дебатын көрсөткөн.

Ал аяктары менен социалдык тармактан түз эфирдин видеосу жоголуп кеткен. Бул коомчулуктун сынына кабылган эле.

Жаңылыктар түрмөгү
0