Дастан Дүйшекеев президенттик аппараттын тышкы саясат бөлүмүнө жетекчи болду

© Пресс-служба президента КР / Султан ДосалиевПрезиденттин аппаратынын тышкы саясат бөлүмүнүн башчысы Дастан Дүйшекеев
Президенттин аппаратынын тышкы саясат бөлүмүнүн башчысы Дастан Дүйшекеев  - Sputnik Кыргызстан
Жазылуу
Өлкөнүн тышкы саясатын тескөө милдетин мойнуна алган Дүйшекеев октябрдагы башаламандыктан кийин өкмөттүн маалымат кызматын жетектеп турган.

БИШКЕК, 1-дек. — Sputnik. Президенттик аппараттын тышкы саясат бөлүмүнө 33 жаштагы Дастан Дүйшекеев дайындалды. Бул туурасында мамлекет башчынын маалымат кызматы билдирүү тарата элек, бирок расмий сайтында ал бөлүм башчы катары көрсөтүлүп турат.

Мурдагы депутат Анарбек Калматов. Архив - Sputnik Кыргызстан
Президенттин ЖКдагы өкүлү Дыйканбаев иштен алынып, ордуна Калматов дайындалды
Президенттин маалымат кызматынын жетекчиси Нургазы Анаркулов жана маалымат катчысы Галина Байтеректен комментарий алуу мүмкүн болбой жатат. Ал эми Дүйшекеевдин өзү кызматка дайындалышын тастыктаган да, төгүндөгөн да жок, буга маалымат кызматы гана жооп берерин билдирди.

Президенттик аппараттын тышкы саясат бөлүмүн буга чейин Данияр Сыдыков жетектеп келген.

Дастан Дүйшекеев октябрдагы саясий башаламандыктан кийин өкмөттүн маалымат кызматын башкарып турган.

Жаңылыктар түрмөгү
0