Матраимов бажы органында коррупциялык системаны түзгөндүгү боюнча шектелген. Схема бажы тармагын администрациялоодо көмүскө кирешелерди алып калууну көздөгөндүгү айтылып келет. Мындан улам мамлекеттик бюджетке ири көлөмдөгү зыян келген.
Матраимов жана бул иштер туурасында белгилүү болгон маалыматтарды Sputnik Кыргызстандын тексттик баяндамасынан окусаңыз болот.
Тергөө органдары тарабынан Райым Матраимовдун жакын айланасына кирген жана коррупциялык схемага тиешеси бар 40ка жакын адам аныкталгандыгын УКМК кечээ билдирген.
Учурда Мамлекеттик бажы кызматынын төрагасынын мурунку орун басары Райым Матраимов жана башка кызматтагы адамдар тарабынан түзүлгөн коррупциялык схема териштирилип жатат.
"Изилдөөнүн алкагында коррупциялык схемага тиешеси бар 40ка жакын адам аныкталып, алардын жүргөн жери белгилүү болду. Ошол эле учурда алардын коррупциялык схемага канчалык деңгээлде катыштыгы бар экендигин тактоо боюнча активдүү иш-аракеттер жүрүп жатат", — дешти УКМКдан.
Сүрөттөрдү УКМКнын маалымат кызматы таратты
Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган. Бул туурасында Мамлекеттик каттоо кызматы расмий түрдө билдирди.
Ал арада социалдык тармакка Райым Матраимов фамилиясын алмаштырган деген маалымат менен сүрөтү тарады.
Мамлекеттик бажы кызматынын төрагасынын мурдагы орун басары Райымбек Матраимов бажы тармагындагы коррупция фактысы боюнча кармалды. Бул тууралуу УКМКнын Коррупцияга каршы кызматынан билдиришти.
Маалыматка караганда, Матраимов УКМКнын имаратына алып келинди.
"2016-жылдан бери Райым Матраимов менен дагы башка жооптуу кызматтагы адамдардын коррупциялык схема түзгөнү аныкталды. Натыйжада мамлекет ири суммадагы чыгымга учураган", — дешти УКМКдан.
Учурда сотко чейинки өндүрүш ишинин алкагында териштирүү жүрүп жатат. Ага ылайык, мамлекеттин бюджетине келтирилген чыгымдын суммасы жана буга тийиштиги бар адамдар аныкталат.
