БШК парламенттик шайлоону 20-декабрда өткөрүүгө камынууда

© Sputnik / Табылды КадырбековШайлоо участогундагы бала. Архив
Шайлоо участогундагы бала. Архив - Sputnik Кыргызстан
Жазылуу
БШК шайлоо өткөрүүнүн алдында сунушталып жаткан айрым мыйзамдарга өзгөртүү киргизүү маселеси чечилиши керектигин белгилейт.

БИШКЕК, 17-окт. — Sputnik. Борбордук шайлоо комиссиясы парламенттик шайлоону 20-декабрда өткөрүү максатка ылайык деп эсептейт. Бул тууралуу аталган комиссиянын маалымат кызматынан кабарлашты.

БШКнын маалыматына ылайык, Жогорку Кеңештин депутаттарын кайра шайлоону өткөрүү дайындалгандан кийин эки айдын аралыгында уюштурулушу керек.

“БШКнын мүчөлөрү 20-декабрда парламенттик шайлоону өткөрүү максатка ылайык деп эсептейт. Себеби 2020-жыл бүткөнгө чейин добуш берүүнүн жана шайлоонун жыйынтыгын чыгарууга мүмкүнчүлүк түзүлүшү керек”, — деп айтылат маалыматта.

Өлкө башчынын милдетин аткаруучу президенттик шайлоого катыша албайт

Ошол эле учурда БШК кайра шайлоо өткөрүүнүн алдында сунушталып жаткан айрым мыйзамдарга өзгөртүү киргизүү маселеси чечилиши керектигин белгилейт.

Алар:

  • Шайлоо босогосун жана күрөөнү азайтуу;
  • №2 форма менен добуш берүүнүн жол-жобосун татаалдаштыруу. Тагыраак айтканда, шайлоо участкасын бир жолу гана алмаштыруу, бир облустун ичинде шайлоо дарегин өзгөртүүгө тыюу салуу,
  • шайлоого 30 күн калганга чейин даректи өзгөртүү;
  • Жасаган иштери шайлоонун жыйынтыгын жокко чыгарууга негиз болгон саясий партияларды кайра шайлоого катыштыруу же катыштырбоо маселесин жөнгө салуу.
Жаңылыктар түрмөгү
0