Жээнбеков 13 судьяны дайындоого макул болуп, бирөөнү жаратпай койду. Тизме

© Sputnik / Сергей Пятаков / Медиабанкка өтүүАукцион по продаже драгоценностей певицы Людмилы Зыкиной
Аукцион по продаже драгоценностей певицы Людмилы Зыкиной - Sputnik Кыргызстан
Жазылуу
Президенттин атына өлкөнүн жергиликтүү сотторуна судьялык кызмат орундарына дайындоо үчүн 14 талапкер боюнча сунуш келип түшкөн.

БИШКЕК, 15-авг. — Sputnik. Президент Сооронбай Жээнбеков судьялык кызматка 13 талапкер боюнча Судьяларды тандоо кеңешинин сунушуна макулдук берди. Бул тууралуу өлкө башчынын маалымат кызматы кабарлады.

Билдирүүдө 14 талапкер боюнча сунуш түшкөнү айтылат. Алардын ичинде Нарын облустук соту, Жалал-Абад жана Ош шаардык сотторундагы бош кызмат орундарына бирден талапкер, Бишкек шаарынын Свердлов райондук сотуна тогуз талапкер, ошондой эле КР Конституциясында каралган ыйгарым укуктарынын мөөнөттөрү аяктаганына байланыштуу борбор калаанын Октябрь жана Биринчи май райондук сотторуна бирден талапкер көрсөтүлгөн.

Бишкектин Ленин районуна жаңы аким келди

Жээнбеков 13 талапкер боюнча макулдугун берип, кошумча маалыматтарды жана пикирлерди эске алуу менен бир талапкер боюнча сунушту артка кайтарган.

Судьяларды дайындоо боюнча президенттин бир нече Жарлыгы чыкты.

Биринчи Жарлык менен Мамасадык Жапаров (Ош шаардык сотуна) жана Миран Шерматов (Жалал-Абад шаардык сотуна) 5 жылдык мөөнөткө биринчи жолу жергиликтүү соттордун судьялык кызматына дайындалышты.

Кийинки жарлыктар менен тандалып алынган 11 судья жергиликтүү соттордун судьяларынын кызмат ордуна жаш курагы чегине чейинки мөөнөткө дайындалып, ыйгарым укуктарын жүзөгө ашыруу үчүн жиберилди.

Бишкек шаарынын Октябрь райондук сотуна:

  • Чыңгыз Адамкулов.

Бишкек шаарынын Биринчи май райондук сотуна:

  • Дамира Орозова.

Ош облусун Жылкыбаевдин орун басары Юсупов жетектеп турмай болду

Бишкек шаарынын Свердлов райондук сотуна:

  • Жылдыз Ибраимова;
  • Алмаз Касымбеков;
  • Гүлзат Саадабаева;
  • Гүлмира Саргалдакова;
  • Жыпар Сабырова;
  • Асел Смаилова;
  • Гаухар Тургунбекова;
  • Санжар Чотонов;
  • Галина Шин.

Жарлыктар кол коюлган күндөн тартып күчүнө кирет.

Жаңылыктар түрмөгү
0