13:40 29 Аяк оона 2020
Түз эфир
  • USD79.4998
  • EUR92.5457
  • RUB1.0105
Саясат
Кыскача шилтеме алуу
217 0 0

Дамир уулу бул кызматка 2018-жылы ноябрь айында дайындалган. Ага чейин ал бир катар жеке ишканаларда жана эл аралык долбоорлордо иштеген.

БИШКЕК, 14-авг. — Sputnik. Маданият, маалымат жана туризм министрлигине караштуу Туризм департаментинин жетекчиси Максат Дамир уулу кызматтан кетүү боюнча арыз жазды. Бул тууралуу ал өзүнүн социалдык тармактагы баракчасы аркылуу билдирди.

"Кызматтан кетүүгө өз каалоом менен арыз жаздым, кетүүгө убакыт келди, андан ары жылышыбыз керек. Мен иштеп жаткан эки жылга жетпеген убакытта башка мамлекеттик органдар жана өнөктөштөр менен мүмкүнчүлүктүн аздыгына карабай, көп нерсени кылууга аракеттендик. Мен бар кезде башталган долбоорлор мындан ары да уланат деп ишенем", — деди Дамир уулу.

Ош облусунун башчысы Узарбек Жылкыбаев кызматтан кетти

Ошондой эле ал бул аралыкта ага ишеним көрсөткөн маданият, маалымат жана туризм министри Азамат Жаманкуловго ыраазычылык билдирди.

Эске салсак, Дамир уулу бул кызматка 2018-жылы ноябрь айында дайындалган.

Тема боюнча

Дамир уулу: Кыргызстандын 3D картасы түзүлүүдө
Белгилер:
арыз, кызмат, Максат Дамир уулу

ЭҢ МААНИЛҮҮ