Кайдан алат? Депутат мүлкүн жашырган аткаминерлерди сындады

© Фото / пресс-служба ЖКЖогорку Кеңештин депутаты Сайдулла Нышанов. Архив
Жогорку Кеңештин депутаты Сайдулла Нышанов. Архив - Sputnik Кыргызстан
Жазылуу
Депутаттын айтымында, тууганына таандык деген жүйө менен кымбат үйлөрдө жашап, автоунааларды айдап жүргөн чиновниктерди текшерүү керек.

БИШКЕК, 26-фев. — Sputnik. Жогорку Кеңештин депутаты Сайдулла Нышанов аткаминерлердин мүлкү тууралуу кеп козгоду.

Бүгүн парламентте Конституциялык палатанын судьялыгына Макамбет Касымалиев, Латип Жумабаев жана Мээргүл Бобукееванын талапкерлиги каралып жатат.

Нышанов ал талапкерлерден: "Декларация тапшыруу конституциялык укук тебеленгенге жатабы же мамлекетке пайда алып келеби?" - деп сурады.

"Мен депутат катары декларациянын натыйжасын көргөн жокмун. Белгилүү эле чоң-чоң аткаминерлер кымбат баалуу үйдө жашап, автоунааларды айдап жүрөт. Бирок аны өзүнө да, аялына да каттаган эмес. Сураса "тууганым ижарага берди" дейт. Бир айлык ижарасы 3000-5000 долларга жеткен үйдү кайсы тууган бере берет же 100 миң долларлык машинаны кайсы тууганы жылдап мингизет?" — деп суроо салды.

Буга Касымалиев: "Ар бир мамлекеттик кызматкер декларация толтурганы туура", - деп жооп берип, эгер мүчүлүштүктөр болсо, органдар текшерип "Мыйзамсыз баюу" беренеси боюнча жоопкерчилиги караларын билдирди.

Кыргыз Республикасынын башкы прокурору Өткүрбек Жамшитов - Sputnik Кыргызстан
Декларация тапшыруудан буйтаган 18 прокурор жазаланды
Андан соң депутат "буга чейин органдар бир да жолу эмнеге тууганына катталган кымбат үйдө "жуликтик" кылып жашап жүргөндөрдү аныктап, эл алдына чыгарган жок?" деп нааразы болду.

Ошондой эле Нышанов талапкерлердин жашаган үйү кимге катталганына кызыкты. Касымалиев менен Бобукеева өзүнө таандык экенин айтса, Жумабаев кызынын атына жазылганын билдирди.

Жаңылыктар түрмөгү
0