БИШКЕК, 11-фев. — Sputnik. Шейшемби күнү, 11-февралда, премьер-министр Мухаммедкалый Абылгазиевдин буйругу менен Тышкы иштер министрлигинин статс-катчысы болуп Нуржан Бардинова дайындалды. Бул тууралуу ТИМден кабарлашты.
Аны тышкы саясат ведомствосунун жамаатына тааныштырышты.
Буга чейин Нуржан Бардинова Жаштар иши, дене тарбия жана спорт агенттигинин статс-катчысы болуп иштеп келген.
Мыйзам боюнча статс-катчы макамы ведомство жетекчисинин биринчи орун басары менен барабар.
