Айлыгы 10 эсе азаят. Абылгазиев Асрандиевди вицеликке кантип көндүргөнүн айтты

© Sputnik / Табылды КадырбековПредседатель правления РКФР Эркин Асрандиев
Председатель правления РКФР Эркин Асрандиев - Sputnik Кыргызстан
Жазылуу
Вице-премьерликке көрсөтүлгөн Асрандиев Россия-кыргыз өнүктүрүү фондунун башкармалыгынын төрагасы болуп иштеп келген.

БИШКЕК, 5-фев. — Sputnik. Жогорку Кеңештин депутаты Дастан Бекешев өкмөт башчы Мухаммедкалый Абылгазиевден вице-премьерликке талапкерлиги сунушталып жаткан Эркин Асрандиевди кантип ынандырганына кызыкты.

Эл өкүлүнүн айтымында, жаңы кызматка келгенден кийин Асрандиевдин айлыгы 10 эсе кыскарат. Бул суроого жооп берип жатып Абылгазиев маяна маанилүү ролду ойнобой турганын билдирди.

"Сүйлөшүү жолу менен эле ынандырдык. Өзүнүн да мекенге, мамлекетке кызмат кылайын деген тилеги бар экен. Мындай маселеде айлык маанилүү ролду ойнобойт деп ойлойм", — деди Абылгазиев.

Андан соң депутат Сайдулла Нышанов вице-премьер болуп иштей турган Асрандиевдин маянасы 20 эсеге кыскара турганын билерин айтып, макулдук берүүсүнө эмне себеп болгонун сурады.

Экс-вице-мэр города Бишкек Айгуль Рыскулова. Архивное фото - Sputnik Кыргызстан
Сооронбай Жээнбеков Айгүл Рыскулованы жаңы кызматка дайындады
Асрандиев муну менен мамлекетке кызмат кылууга чоң мүмкүнчүлүк жаралганын айтып, айлыкты эле карай бербей иштөө шарт экенин билдирди.

Эскерте кетсек, буга чейин Асрандиев Россия-кыргыз өнүктүрүү фондунун башкармалыгынын төрагасы болуп иштеп келген. Кызматка дайындалгандан кийин экономика, инвестиция жана ЕАЭБдеги маселелерди тескейт.

Белгилей кетсек, кызмат ордун бошоткон мурдагы вице-премьер Замирбек Аскаров 43 миң сом маяна алып иштеп жаткан.

Жаңылыктар түрмөгү
0