06:46 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Саясат
Кыскача шилтеме алуу
10-январдагы кыргыз-тажик чек арасындагы чыр (15)
217 0 0

Мамлекет башчыга кыргыз-тажик чек арасында коопсуздукту камсыздоо боюнча жасалып жаткан иштер тууралуу маалымат берилди.

БИШКЕК, 13-янв. — Sputnik. Президент Сооронбай Жээнбеков бүгүн, 13-январда, чек арадагы абал боюнча кеңешме өткөрдү. Бул туурасында мамлекет башчынын маалымат кызматы билдирди.

Жээнбековго чек арада чыр-чатактардын алдын алуу, анын ичинде Баткен облусунун кыргыз-тажик бөлүгүндөгү аймактын коопсуздугун камсыз кылуу боюнча жасалып жаткан иштер тууралуу маалымат берилген.

"Президент коңшу өлкөлөр менен чек ара кызматташтыгын өнүктүрүүнү күчөтүү, чек арага жакын жашаган тургундардын коопсуздугун камсыз кылуу зарылдыгын эскертти. Ошондой эле эки жакта тең чагымчыл аракеттерди болтурбоо үчүн чек арадагы чыр-чатактардын алдын алуу боюнча иштер тажик тарап менен биргеликте жүргүзүлүшү керектигин белгиледи", — деп айтылат маалыматта.

Вице-премьер Жеңиш Разаков тажик тарап менен сүйлөшүүлөрдү жүргүзүүгө өзү баштаган Кыргызстандын делегациясы даяр экендигин билдирген. Жолугушуу эртең, 14-январда, чек ара аймагында өтөт.

Кеңешмеге КР Куралдуу күчтөрүнүн башкы штабынын башчысы Райимберди Дүйшенбиев, вице-премьер-министр Жеңиш Разаков, Президенттин аппаратынын жетекчисинин орун басары Алмамбет Салиев, Коопсуздук кеңешинин катчысы Дамир Сагынбаев, Башкы прокурор Өткүрбек Жамшитов, ички иштер министри Кашкар Жунушалиев, тышкы иштер министри Чыңгыз Айдарбеков, Улуттук коопсуздук мамлекеттик комитетинин төрагасы Орозбек Опумбаев жана Мамлекеттик чек ара кызматынын төрагасы Уларбек Шаршеев катышты.

Эскерте кетсек, 10-январга караган түнү чек арага жакын аймактарда тажикстандыктар эки кыргызстандыктын автоунаасын ташка алып талкаланган. Бир турак жайга да таш ыргытышкан.

Буга байланыштуу Тышкы иштер министрлиги Тажикстандын КРдеги элчисин чакырып, нааразычылык нотасын тапшырган.

Кырдаалды жөнгө салуу боюнча эки өлкөнүн президенттери жана өкмөт башчылары телефон аркылуу сүйлөшкөн.

Тема:
10-январдагы кыргыз-тажик чек арасындагы чыр (15)

Тема боюнча

Жээнбеков: чек арадагы чыр-чатактын чыгуусуна күнөөлүүлөрдү жазага тартуу керек
Чек арада чыккан чырдан улам КР ТИМи тажик тарапка нота тапшырды
Чек ара көйгөйү: кыргыз делегациясы бүрсүгүнү тажик делегациясы менен жолугат
Белгилер:
кеңешме, Күч түзүмдөрү, абал, чек ара, Сооронбай Жээнбеков

ЭҢ МААНИЛҮҮ