БИШКЕК, 25-окт. — Sputnik. Москва шаарында КМШга мүчө мамлекеттердин өкмөт башчыларынын кеңешинин тар чөйрөдөгү жыйыны башталды. Ага премьер-министрлер менен делегация башчылары катышууда.
Жолугушуу "Сколково" инновациялык борборунда өтүп жатат. Кыргызстандын атынан премьер-министр Мухаммедкалый Абылгазиев катышууда.
Өкмөт башчылар кийин кеңири курамда жолугуп, ар бир делегациядан тогуз киши катышат. Жыйынтыгында бир нече документке кол коюлуп, жыйынтыктоочу маалымат жыйыны уюштурулат.
Күн тартибинде негизинен 19 маселе бар.
Белгилей кетсек, бул жыйынга Азербайжандын, Белоруссиянын, Казакстандын, Кыргызстандын, Россиянын, Өзбекстандын жана Тажикстандын премьер-министрлери, Армения менен Түркмөнстандын вице-премьерлери келди. Молдованын атынан экономика жана инфраструктура министри катышууда.
Евразиялык өкмөттөр аралык кеңешинде ЕАЭБдин премьерлери жолугушат.
