Атамбаевдин статусунан ажырашы. Конституциялык палатанын чечими

© Sputnik / Табылды КадырбековКыргызстандын мурдагы президенти Алмазбек Атамбаев. Архив
Кыргызстандын мурдагы президенти Алмазбек Атамбаев. Архив - Sputnik Кыргызстан
Жазылуу
Беш депутат жана КСДПнын эки өкүлү Атамбаевдин экс-президент макамынын алынышына жол берген мыйзамга киргизилген өзгөртүүлөрдү карап чыгуу өтүнүчүн Конституциялык палатага жолдогон.

БИШКЕК, 24-окт. — Sputnik. Конституциялык палата беш депутат жана КСДПнын эки өкүлүнүн Алмазбек Атамбаевдин экс-президент макамынан ажыратылышынын мыйзамдуулугу боюнча талаштуу доосун канааттандыруудан баш тартып, Атамбаевдин кол тийбестигинин алынышын Конституцияга каршы келбейт деп тапты. Бул туурасында бүгүн, 24-октябрда, уланган жараяндын жыйынтыгы менен белгилүү болду.

Президент КР Сооронбай Жээнбеков принял Омбудсмена Токона Мамытова - Sputnik Кыргызстан
Акыйкатчы абактагы Алмазбек Атамбаевден кабар алды
Буга чейин Конституциялык палатага Атамбаевдин экс-президент макамынын алынышына жол берген мыйзамга киргизилген өзгөртүүлөрдү карап чыгуу өтүнүчү менен Жогорку Кеңештин бир нече депутаты жана КСДПнын өкүлдөрү кайрылган. Алар Атамбаевдин экс-президент макамын жокко чыгарган мыйзамга киргизилген өзгөртүүлөр боюнча арызданышкан. Конституциялык палатага кайрылгандар бул аракет Конституцияга жана бир катар эл аралык документтерге каршы келерин белгилешкен.

Сот жараянынын башында даттанган тарап Конституциялык палатанын Алмазбек Атамбаевдин экс-президент макамынын алып салынышынын мыйзамдуулугу боюнча өтүп жаткан жыйынга палатанын төрагасы Карыбек Дүйшеев катышпашы керектигин айткан.

Атамбаевдин кол тийбестигинин алынышы жана кармалышы

13-июнда Жогорку Кеңеште Атамбаевди кол тийбестигинен ажыратуу боюнча атайын комиссия түзүлүп, ал мурдагы президенттин алты кылмыш ишине тийиштиги бар болушу ыктымал деген корутунду чыгарган. Парламент бул корутундуну 20-июнда колдоп, аны Башкы прокуратурага жолдогон. 25-июнда башкы прокурор Өткүрбек Жамшитов алты иштин бешөө боюнча кылмыш козгоого негиз бар экенин билдирип, Жогорку Кеңеш 27-июнда Атамбаевди кол тийбестигинен ажыраткан.

Карамушкина вице-спикер Касымалиева менен уруша кетип, залдан чыгып кетти. Видео - Sputnik Кыргызстан
Карамушкина вице-спикер Касымалиева менен уруша кетип, залдан чыгып кетти. Видео
Бирок Алмазбек Атамбаев парламенттин мындай чечимин Конституциялык палата карап чыгышы керектигин айтып, тергөөгө күбө катары баруудан бир нече ирет баш тарткан.

Мындан улам 7-8-августта Атамбаевди тергөөгө күч менен алып келүү үчүн Кой-Таштагы үйүнөн кармоо аракети болгон. Анын жүрүшүндө УКМКнын атайын даярдыктагы бир аскери каза болуп, бир нече адам түрдүү жаракаттарды алган.

Жаңылыктар түрмөгү
0