21:30 20 Жетинин айы 2019
Түз эфир
  • USD69.8500
  • EUR77.2506
  • RUB1.0910
Алмазбек Атамбаев. Архив

Атамбаевдин экс-президент макамынын алынышынын мыйзамдуулугу каралып жатат

© Sputnik / Табылды Кадырбеков
Саясат
Кыскача шилтеме алуу
20901

Адвокаттын айтымында, Карыбек Дүйшеев мурда азыркы президенттин бир тууганы Асылбек Жээнбековдун кеңешчиси болгон. Андыктан мурдагы байланыштар чечим чыгарууга таасирин тийгизиши ыктымал.

БИШКЕК, 23-окт. — Sputnik. Конституциялык палатанын Алмазбек Атамбаевдин экс-президент макамынын алып салынышынын мыйзамдуулугу боюнча өтүп жаткан жыйынына палатанын төрагасы Карыбек Дүйшеев катышпашы керек. Мындай талапты Атамбаевдин тарапташтарынын жактоочусу Нурбек Токтакунов койду.

Акыйкатчы Токон Мамытов. Архивдик сүрөт
© Пресс-служба президента КР / Султан Досалиев
Эске салсак, ушул тапта Конституциялык палатада Атамбаевдин экс-президент макамынын алып салынышынын мыйзамдуулугу боюнча жыйын өтүүдө.

Буга чейин Конституциялык палатага Атамбаевдин экс-президент макамынын алынышына жол берген мыйзамга киргизилген өзгөртүүлөрдү карап чыгуу өтүнүчү менен Жогорку Кеңештин бир нече депутаты жана КСДПнын өкүлдөрү кайрылган.

Учурда ишти 10 судья карап жатат. Тараптардын укуктарын түшүндүрүү учурунда Дүйшеев алардын кайсы бир сотту четтетүүгө өтүнүч кылууга укугу бар экенин айткан.

"Карыбек Дүйшеев мурда азыркы президенттин бир тууганы Асылбек Жээнбековдун кеңешчиси болгон. Андыктан, мурдагы байланыштар чечим чыгарууга таасирин тийгизиши ыктымал деп эсептейм", — деди Токтакунов.

Дүйшеев болсо Асылбек Жээнбеков менен жеке мамилеси жок экенин айтты.

Мындан улам соттор Дүйшеев боюнча өтүнүчтү аткаруу же аткарбоо маселесин кароо үчүн кеңешүү бөлмөсүнө кирип кетишти.

Кол тийбестиктин алынышы

13-июнда Жогорку Кеңеште Атамбаевди кол тийбестигинен ажыратуу боюнча атайын комиссия түзүлүп, ал мурдагы президенттин алты кылмыш ишине тийиштиги бар болушу ыктымал деген корутунду чыгарган. Парламент бул корутундуну 20-июнда колдоп, аны Башкы прокуратурага жолдогон. 25-июнда башкы прокурор Өткүрбек Жамшитов алты иштин бешөөсү боюнча кылмыш козгоого негиз бар экенин билдирип, Жогорку Кеңеш 27-июнда Атамбаевди кол тийбестигинен ажыраткан. 

Бирок Алмазбек Атамбаев парламенттин мындай чечимин Конституциялык палата карап чыгышы керектигин айтып, тергөөгө күбө катары баруудан баш тартып койгон.

Мындан улам 7-8-августта Атамбаевди тергөөгө күч менен алып келүү үчүн Кой-Таштагы үйүнөн кармоо аракети болгон. Анын жүрүшүндө УКМКнын атайын даярдыктагы бир аскери каза болуп, бир нече адам түрдүү жаракаттарды алган.

Тема боюнча

Тойдон жолуккан Текебаев, Бабанов, Атамбаев. Талкууга түшкөн сүрөт
Атамбаев Батукаевдин иши боюнча биринчи сот отурумуна келбей койду
Атамбаев Батукаевдин иши боюнча сотко келүүдөн кайра баш тартты
Белгилер:
Асылбек Жээнбеков, Конституциялык палата

ЭҢ МААНИЛҮҮ