20:13 20 Жетинин айы 2019
Түз эфир
  • USD69.8500
  • EUR77.2506
  • RUB1.0910
Премьер-министр Мухаммедкалый Абылгазиев. Архив

Криминалга эмес, милицияга кайрылгыла! Абылгазиев ишкерлерге кеңеш берди

© Фото / пресс-служба правительства / Алишер Алиев
Саясат
Кыскача шилтеме алуу
486 0 0

4-октябрда жоголгон ишкер Хуфур Абдурахемандын сөөгү эки аптадан соң Кочкор районунда кан жолдон 150 метр ары жерге көмүлгөнүн милиция аныктаган.

БИШКЕК, 21-окт. — Sputnik. Жергиликтүү жана чет элдик ишкерлерди мыйзамды карманууга, маселе жаралса өз алдынча криминал менен чечүүгө аракеттенбей, милицияга кайрылууга чакырам. Мындай пикирин премьер-министр Мухаммедкалый Абылгазиев ишкер Хуфур Абдурахемандын өлүмү боюнча кеңешмеде айтты.

"Иликтөөнүн жыйынтыгы менен коомчулукка кылмыштын майда-баратына чейин маалымат бергиле. Муну менен катар тийиштүү органдар ишкерлерге каршы жасалган кылмыштарды алдын алуу үчүн профилактикалык иштерди жүргүзсүн", — деди өкмөт башчы.

Абылгазиев жарандар ишкерлик менен эркин алектенүүсү үчүн мамлекет аларды коргоону өзүнүн маанилүү милдеттеринин бири катары көрөрүн кошумчалады.

Эске салсак, ишкер Абдурахеман өткөн жумада жоголгон. Ал 4-октябрда саат 18:00дөр чамасында "Мадина" базарынан BMW X5 автоунаасы менен чыгып, белгисиз тарапка кеткен. Дээрлик эки аптадан соң анын сөөгү Кочкор районунда кан жолдон 150 метр ары жерге көмүлгөнүн милиция аныктаган. Адам өлтүрүүгө шектүү катары төрт киши кармалып, күбөлөр да сурак берген. Кармалгандардын экөө укук коргоо органдарында мурда иштеп кеткен. Алардын бирөө адам өлтүрүүнү уюштурган деп шектелүүдө. Алдын ала берилген маалымат боюнча, маркум ишкердин "Мадина" базарында бизнеси болгон.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Жоголуп кеткен бишкектик ишкердин сөөгү табылып, шектүүлөр кармалды. Сүрөт
Белгилер:
криминал, мыйзам, өлүм, ишкер, Мухаммедкалый Абылгазиев

ЭҢ МААНИЛҮҮ