Жээнбеков: кыргыз-кытай өнөктөштүгүн кеңейтүүгө бардык аракетимди жумшайм

© Пресс-служба президента КР / Султан ДосалиевПрезидент Сооронбай Жээнбеков Кытай төрагасы Си Цзиньпин менен жолугушуу учурунда. Архив
Президент Сооронбай Жээнбеков Кытай төрагасы Си Цзиньпин менен жолугушуу учурунда. Архив - Sputnik Кыргызстан
Жазылуу
Жээнбеков Си Цзиньпинди Кытайдын жогорку жетишкендиктериндеги жеке эмгеги баа жеткис экендигин айтты.

БИШКЕК, 1-окт. — Sputnik. Президент Сооронбай Жээнбеков Кытай төрагасы Си Цзиньпинди аталган мамлекеттин түзүлгөндүгүнүн 70 жылдыгы менен куттуктап, эки тараптуу стратегиялык өнөктөштүктү кеңейтүүгө, бекемдөөгө бардык аракетин жумшарын айткан. Бул туурасында мамлекет башчынын маалымат кызматынан кабарлашты.

"Кытай Эл Республикасы түзүлгөн күндөн баштап өткөн жылдар ичинде өлкөдө кытай элинин турмушун жакшыртууга, ал эми мамлекетке дүйнөдөгү эң ири жана алдыңкы экономиканы түзүүгө мүмкүнчүлүк берген чындыгында улуу өзгөрүүлөр болуп өттү. Өлкөнүн жогорку жетишкендиктеринде сиздин жеке эмгегиңиз баа жеткис", — деген Жээнбеков.

Ал кыргызстандыктар Кытайдын мындан ары дагы гүлдөп-өсүшүнө, ошондой эле эки өлкөнүн ортосунда байланыштардын туруктуу жана ырааттуу өнүгүүсүнө үмүт кыларын айткан.

Таасири күч лидердин КРге болгон мамлекеттик сапары кандай өттү? Видео - Sputnik Кыргызстан
Таасири күч лидердин КРге болгон мамлекеттик сапары кандай өттү? Видео
"Өз кезегинде ынак коңшулук, достук жана өз ара түшүнүшүү маанайында кыргыз-кытай ар тараптуу стратегиялык өнөктөштүктү кеңейтүүгө жана бекемдөөгө мындан ары дагы сиз менен биргеликте бардык аракеттерди көрүүгө даяр экенимди ырастайм", — деп айтылган мамлекет башчысынын куттуктоосунда.

Жээнбеков Си Цзиньпинге бекем ден соолук, бакты-таалай жана кытай элинин бакубатчылыгы, тынчтыгы жана гүлдөп-өнүгүүсүнө багытталган мамлекеттик жооптуу ишине ийгиликтерди каалаган.

Эске салсак, бул күндөрү Кытай Эл Республикасы өзүнүн түптөлгөндүгүнүн 70 жылдыгын белгилеп жатат. Юбилейдин урматына өлкөдө бир нече иш-чаралар өтүүдө. Анын ичинен маанилүүсү Кытайдын тарыхындагы эң ири аскер парады болмокчу. Буга мамлекеттин армиясынан 15 миң аскер катышары, 580 атайын техника, 160 учак жана тик учактар колдонулары айтылды. Парадды Кытай төрагасы Си Цзиньпин кабыл алат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0