21:00 15 Тогуздун айы 2019
Түз эфир
  • USD69.8396
  • EUR77.0051
  • RUB1.0869
Полномочный представитель правительства в Таласской области Марат Мураталиев передал эстафету Национальных игр кочевников своему коллеге из Ошской области Узарбеку Жылкыбаеву.

Талас Улуттук көчмөндөр оюндарын жыйынтыктап, эстафетаны тапшырды

© Sputnik / Табылды Кадырбеков
Саясат
Кыскача шилтеме алуу
169801

Улуттук көчмөндөр оюндары эми 2021-жылы Ош облусунда өтөт. Эскерте кетсек, 2020-жылы Түркияда Көчмөндөрдүн дүйнөлүк оюндары уюштурулмакчы.

БИШКЕК, 21-cен. — Sputnik. Талас облусунда өтүп жаткан Улуттук көчмөндөр оюндары жыйынтыкталып, эстафета Ош облусуна тапшырылды.

Жабылуу салтанатында сөз сүйлөгөн өкмөттүн Таластагы өкүлү Марат Мураталиев кийинки оюндар Ош облусунда өтөрүн айтып, эстафетаны кесиптеши Узарбек Жылкыбаевге өткөрүп берди.

Өз кезегинде Ош облусунун жетекчиси Таластагы оюндар жогорку деңгээлде өткөнүн белгилеп, 2021-жылы болчу иш-чара да мыкты болоруна ишендирип кетти.

Иш-чаранын жабылуу салтанатына президент Сооронбай Жээнбеков, ЖК төрагасы Дастан Жумабеков жана өкмөттүн бир катар мүчөлөрү катышты.

Белгилей кетсек, Көчмөндөр оюндары жыл сайын республикалык масштабда өтө турганын президент Сооронбай Жээнбеков жыл башында Баткенге болгон иш сапары учурунда билдирген.

Алгачкы оюндар Талас облусунда болору айтылып, даярдыктар башталган. Оюндун программасына мелдештин 10 түрү — ордо, тогуз коргоол, эр эңиш, көк бөрү, ат чабыш, жорго салыш, кунан чабыш, кыргыз күрөш, алыш күрөшү жана салбуурун кирген.

Андан тышкары, этнофестиваль уюштурулуп, маданий программа да көпчүлүктүн купулуна толду.

“Манас-Ордого” 300 боз үй тигилип, ар облустан келген делегация өкүлдөрү өнөрлөрүн тартуулап, концерттер көрсөтүлдү.

Акыркы күнү, 21-сентябрда, спорттук мелдештердин финалдык бөлүктөрү өтүп, жеңүүчүлөрдү сыйлоо аземи болду.

Белгилей кетсек, 2018-жылы Көчмөндөрдүн дүйнөлүк оюндары өтүп, Кыргызстан эстафетаны Түркияга өткөрүп берген.

Тема боюнча

Баатырбеков: "Кыргызстан" партиясы КСДПнын клону дегендер жаңылат
КСДПны кайра каттоо. Юстиция министрлиги мыйзам бузуусу боюнча үн катты
Белгилер:
эстафета, Марат Мураталиев, Узарбек Жылкыбаев, Ош, Талас, Улуттук көчмөндөр оюндары

ЭҢ МААНИЛҮҮ