03:35 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
ЖК депутаты Руслан Казакбаев. Архив

Депутат Казакбаев чекистпи? Токон Мамытовдун эл өкүлүнө кайрылган видеосу

© Пресс-служба правительства / Сабыр Аильчиев
Саясат
Кыскача шилтеме алуу
610 0 0

Эл өкүлү мамлекеттик сырларды билген айрым аткаминерлер жалпы режимдеги колонияларда кармалып жатканына тынчсызданды.

БИШКЕК, 18-сен. — Sputnik. Акыйкатчы Токон Мамытов Жогорку Кеңештин депутаты Руслан Казакбаевге парламенттин жалпы жыйыны учурунда "кесиптеш чекист" деп кайрылды.

Депутаттар 18-сентябрдагы жыйынында Акыйкатчы институтунун 2018-жылы жасаган иштеринин отчётун укту.

Казакбаев Мамытовго мурдагы чекист катары мамлекеттик сыр деген эмне экенин жакшы түшүнөрүн белгиледи.

"Сиз чекист катары жашыруун сыр, купуя сыр деген эмне экенин жакшы билесиз. Азыр мамлекеттик купуя сырды ташыган ар түрдүү саясатчылар камалып отурат. Мыйзам боюнча алар өз жазасын алат, бирок алар (мурдагы аткаминерлер – ред.) жалпы түрмөлөрдө. Өткөндө чет элдик эксперттер "силерде эч кандай шарт жок, аларды кантип кармайсыңар" деп айтты эле. Алар мамлекеттин коопсуздугуна таасир тийгизбейби?" — деди депутат.

Токон Мамытов сөзсүз таасир берерин айтты.

"Айрым купуя сырлардын жашоосу үч күн болсо, кээсиники 30 жыл же андан да ашык болот. Өзгөчө аскерий саясий сырлар бар. Ошол сырларга ээ болуп, алар менен иштеп жүргөн мурдагы жана азыркы аткаминерлердин тагдырына көңүл буруш керек", — деди ал.

Депутат бул көйгөйдү кантип чечүү керектигин сурады. Мамытов бул маселе боюнча депутат менен жеке жолугуп сүйлөшүүгө даяр экенин билдирди.

"Биз сиз менен кесиптеш чекистпиз. Экс-чекист болбойт. Сиз менен өзүнчө жолугуп, бул боюнча пикир алышалы", — деди Мамытов.

Эл өкүлү Sputnik Кыргызстан агенттигинин кабарчысына акыйкатчы эмне үчүн ага кесиптеш чекист деп кайрылды деген суроосуна жооп берип, "балким Тышкы иштер министрлиги менен укук коргоо органдарынын айрым аткарган иштери бирдей болгону үчүн ушундай кайрылган болушу мүмкүн. Эмнеге антип айтканын Токон Мамытовдун өзүнөн сурасаңар жакшы болмок" деп жооп берди.

Белгилей кетсек, Токон Мамытов 1981-жылдан тарта улуттук коопсуздук органдарында иштеген. Андан сырткары, коргоо министринин орун басары, Чек ара кызматынын башчысы жана вице-премьер болуп эмгектенген.

Ал эми Руслан Казакбаевдин расмий өмүр баянында атайын кызматтарда иштегени тууралуу маалымат жок. Депутаттыкка чейин дипломатиялык кызматтарды аркалап, Кыргызстандын тышкы иштер министри болуп эмгектенген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Акыйкатчы чет жактагы абактарда КРдин канча жараны бар экенин айтып берди
Депутат омбудсменге: бийликчил акыйкатчы болуп жатасыз
Кыргызстанда ата-энеси миграцияда жүргөн 87,5 миң бала бар
Белгилер:
чекист, Руслан Казакбаев, Токон Мамытов, Кыргызстан

ЭҢ МААНИЛҮҮ