ЖК комитети билим берүү министри кызматына Каныбек Исаковду колдоду

© Фото / пресс-служба ОшГУОш мамлекеттик университетинин ректору Каныбек Исаков. Архив
Ош мамлекеттик университетинин ректору Каныбек Исаков. Архив - Sputnik Кыргызстан
Жазылуу
Ош МУнун ректорун министрлик кызматка өкмөт башчы өзү сунуштады.

БИШКЕК, 9-сен. — Sputnik. Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитети билим берүү жана илим министри кызматына Каныбек Исаковдун талапкерлигин жактырды. Бул тууралуу комитеттин төрайымы Гүлкан Молдобекова билдирди.

Исаковдун талапкерлигин премьер-министр Мухаммедкалый Абылгазиев сунуштап, Жогорку Кеңештин кароосуна жиберген. Өкмөт башчынын сунушу бүгүн тармактык комитеттин жыйынында каралып колдоо тапты. Исаковду депутаттарга вице-премьер Алтынай Өмүрбекова тааныштырды.

Неделя российского  бизнеса.  День второй  - Sputnik Кыргызстан
Мамлекеттик эки агенттикке жаңы жетекчи дайындалды
Эми анын талапкерлигин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети карайт.

Каныбек Исаков 2011-жылдан бери Ош мамлекеттик университетинин ректору болуп иштеп жаткан.

Эске салсак, мурдагы министр Гүлмира Кудайбердиева 4-сентябрда кызматтан бошотулган. Өкмөт буга өзүнүн арызы себеп болду деп түшүндүрдү. Ал министрликти башкарып турган учурда бир топ сынга кабылган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0