Искендер Матраимов: Райымды жаңы кызматка чакырышты

Жазылуу
Экс-бажычыга жаңы кызматка сунуш түшкөнүн агасы тастыктады.

БИШКЕК, 1-авг. — Sputnik. Бажы кызматынын төрагасынын мурдагы орун басары, көпчүлүккө "Райым миллион" деп таанылган Райым Матраимовго Түркиядагы бир холдингге вице-президент болуу сунушу түштү. Бул туурасында анын депутат агасы Искендер Матраимов "Азия Ньюс" гезитине берген маегинде билдирген.

Анда ал инисинин мамлекеттик кызматка барайын деген ою жок экенин айтты.

"Райымбек эки жылдан бери соттун чечимин жана Финполдун жыйынтыгын күтүп, эч жакка барбай отурду. Азыр анын мамлекеттик кызматка барайын деген маанайы жок. Түркиядагы ири холдингдердин бирине вице-президенттик орунга сунуш түшкөн. Мүмкүн ал сунушту кабыл алат", — деп айткан депутат маегинде.

Председатель Государственной службы по борьбе с экономическими преступлениями (ГСБЭП) Бакир Таиров - Sputnik Кыргызстан
Финпол: Райым Матраимовдун байлыгы чет өлкөдөн табылган жок
Sputnik Кыргызстандын кабарчысы Искендер Матраимов менен байланышып, маалыматты тастыктады. Ошол эле учурда гезитке баарын айтып бергенин белгилеп, андан башка маалымат берүүдөн баш тартты.

Белгилей кетсек, Райым Матраимовду 2017-жылы ноябрда ошол кездеги премьер-министр Сапар Исаков "ишенимден чыкты" деген жүйө менен кызматтан кетирген. Бирок Исаков премьерликтен кеткенден кийин 2018-жылдын апрель айында Матраимов негизсиз иштен алынганын айтып, өкмөттү сотко берген. Анын доосун райондук, шаардык жана Жогорку сот канааттандырган. Бирок Матраимов сотко өзүнө коюлуп жаткан айыптоолорду жокко чыгаруу максатында кайрылганын айтып, кызмат ордуна кайтууну каалаган эмес

Виджет news
Жаңылыктар түрмөгү
0