21:40 27 Тогуздун айы 2020
Түз эфир
  • USD81.1275
  • EUR95.8035
  • RUB1.0611
Саясат
Кыскача шилтеме алуу
16610

Кыргыз тарап Россиянын экинчи аскер базасын жайгаштыруу боюнча маселени эки жыл мурда сунуштаган.

БИШКЕК, 20-июл. — Sputnik. Россия тарап Кыргызстанда экинчи аскер базасын жайгаштыруу боюнча эч кандай сүйлөшүү жүргүзгөн жок. Бул тууралуу Россиянын тышкы иштер министринин орун басары, статс-катчы Григорий Карасин РИА Новости агенттигине берген маегинде баса белгилеген.

"Чындыгында 2017-жылдын 20-июнундагы жогорку деңгээлдеги сүйлөшүүлөрдө кыргыз тарап экинчи аскер базасын жайгаштыруу боюнча маселени кароону сунуштаган. Россия айрым башка мамлекеттерге окшоп дүйнөнү өзүнүн аскер базасы менен толтурууну көздөбөйт. Биз сан үчүн жанталашпайбыз", — деп түшүндүрдү министрдин орун басары.

Ал ошондой эле Москва мындай объектилерди чет өлкөдө жайгыштырууда анын максаттуулугун жана өнөктөштөрүн коопсуздук маселелерин чечүүдөгү маанилүүлүгүнө басым жасай турганын кошумчалады.

"Борбор Азияда жайгашкан россиялык аскер базалар (Кыргызстан менен Тажикстандагы) аймактагы коркунучтарга каршы тура алат. Ошондуктан Россия тарап анын мүмкүнчүлүктөрүн кеңейтүүгө аракет жасайт. Аталган маселе боюнча эч кандай консультация жүргөн жок жана ал учурда анча актуалдуу эмес", — деди Карасин.

Россиянын "Кант" авиабазасы Кыргызстанда 2003-жылы Жамааттык коопсуз келишими уюмуна мүчө өлкөлөрдү жана ал жердеги аскердик операцияларды абадан колдоо үчүн ачылган. База Су-25СМ учагы, Ми-8МТВ тик учактары менен камсыздалып, Россиянын Борбордук аскердик округунун курамына кирет. Ушул жылдын март айында Кыргызстан менен Россия жыл сайын аба база жайгашкан жердин ижарасын 4,5 миллион доллардан 4,79 миллион долларга жогорулатууну макулдашкан.

Тема боюнча

Милиция: Кантта ЖККУ авиабазасында иштеген аскердин сөөгү табылды
Россия "Кант" аба базасынын жер акысына 291 миң доллардан ашык акча төлөмөкчү
Белгилер:
сүйлөшүүлөр, база, Аскер, Россия, Кыргызстан

ЭҢ МААНИЛҮҮ