21:26 08 Бештин айы 2019
Түз эфир
  • USD69.8490
  • EUR77.5883
  • RUB1.0962
Мамлекет башчы Сооронбай Жээнбеков. Архивдик сүрөт

Сооронбай Жээнбеков эртең Швейцарияга учат

© Sputnik / Табылды Кадырбеков
Саясат
Кыскача шилтеме алуу
149 0 0

Сапардын алкагында бир катар документтерге кол коюлат.

БИШКЕК, 8-июл. — Sputnik. Мамлекет башчы Сооронбай Жээнбеков 9-11-июлда расмий сапары менен Швейцарияга барат. Бул тууралуу президенттин маалымат кызматынан кабарлашты.

Президенттин аппаратынын тышкы саясат бөлүмүнүн башчысы Данияр Сыдыковдун айтымында, Жээнбековду Швейцариянын мамлекет башчысы Ули Маурер чакырган.

Сапардын алкагында Жээнбеков Швейцариянын президенти Ули Маурер, Федералдык жыйындын улуттук кеңешинин төрагасы Марина Кароббио Гушетти жана Улуттук банктын төрагасы Томас Йордан менен жолугушат.

"Сапардын алкагында соода-экономикалык, банк чөйрөлөрүнө, Кыргызстандын экономикасынын перспективдүү секторлоруна инвестиция тартууга, банк чөйрөсүндөгү кызматташууну өнүктүрүүгө жана парламенттик демократияны курууга басым жасоо менен эки тараптуу мамилелерди илгерилетүү талкууланат", — деди Сыдыков.

Ал ошондой эле экономика, финансы, туризм, региондорду таза суу менен камсыз кылуу жана башка чөйрөлөрдөгү документтерге кол коюу күтүлүп жатканын кошумчалады.

Мындан тышкары Сооронбай Жээнбековдун Швейцариянын ири бизнес өкүлдөрү менен жолугушуусу болот, ага Кыргызстандан барган ишкерлер дагы катышат.

Тема боюнча

Жээнбеков Назарбаев менен телефондон сүйлөштү
Белгилер:
документ, Швейцария, Сооронбай Жээнбеков, Кыргызстан

ЭҢ МААНИЛҮҮ