19:46 16 Кулжа 2019
Түз эфир
  • USD69.8500
  • EUR78.7838
  • RUB1.0841
Депутат Мурадыл Мадеминов. Архивдик сүрөт

Депутат Мадеминов: биз калыстыктан тайган үчүн Атамбаев "чимкирик" деп жатат

© Фото / пресс-служба Жогорку Кенеша
Саясат
Кыскача шилтеме алуу
330 0 0

Депутат Бишкек ТЭЦ боюнча парламент убагында калыс сөзүн айтпай койгонун айтып өттү.

БИШКЕК, 13-июн. — Sputnik. Экс-президент Алмазбек Атамбаев парламент калыс сөзүн айта албагандыктан сындап жатат. Мындай пикирин ЖК депутаты Мурадыл Мадеминов жалпы жыйында билдирди.

Шаршембидеги жыйында бир топ депутаттар Атамбаевге сын айтып, айрым коррупциялык иштерге да айыпташкан. Ал эми эл өкүлү Канат Исаев экс-президенттин кол тийбестигин алууга макул болгон 40 депутаттын колун чогултканын жар салган

"Кечээ трибунада Алмазбек Шаршеновичке карата айтылган оор сөздөр боюнча оюмду айткым келди. Атамбаев митингде депутаттарды "чимкирик" деп атаганына капа болуп жатканбыз. Бирок эмне себептен бул сөздөр айтылып жатат деген ой келет. Биз кайсы жерден жаздык?.. ТЭЦ маселесин карап жатканда депутаттардын бир тобу "эл аралык аудитке берели, талаш-тартыш болууда" дегенде парламент калыс сөзүн айтпай, карабай койгон. Алмазбек Шаршенович ошону айтып жатат", — деди Мадеминов.

Ошондой эле ал азыркы тапта сот процесси туюкка такалганын айтып, коррупциялык ишти эки жактуу кароону эскертти.

"Эгер коррупция болсо ТВЕАны алып келип, камакта отургандарга кошуш керек. Акчаны бирөө берет, экинчиси алат да, берген тарап ТВЕА болуп жатат. Бул жерде калыстык жок болууда. Өзүнүн командасы тиякка кирип калгандыктан Алмазбек Шаршенович ачуу сөзүн айтты. Эми убакыт тараза. 1916-жылдагы жана 1937-жылдагы окуяны, Турдакун Усубалиевдин кызматтан кетишин да тарых өзү таразалады", — деди депутат.

Мадеминов сөзүнүн аягында эгер парламент калыс сөзүн айта албаса, демократиялуу өлкө куруу кыйын болорун белгиледи.

Тема боюнча

Ошондо жакамды кармагам! Төрага Жумабековдун Атамбаевге жинденген видеосу
Уят болуп каласыңар! Анвар Артыков Атамбаевге болушуп чыкты
Белгилер:
Мурадыл Мадеминов, депутат

ЭҢ МААНИЛҮҮ