19:17 16 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Кыргызстандын экс-президенти Алмазбек Атамбаев. Архив

КСДП Алмазбек Атамбаевдин мындан ары эмне кыларын айтты

© Sputnik / Табылды Кадырбеков
Саясат
Кыскача шилтеме алуу
503610

Партия төрагасынын милдетин Жогорку Кеңештин депутаты Асел Кодуранова аткарып жатат.

БИШКЕК, 27-май — Sputnik. Экс-президент Алмазбек Атамбаев КСДП төрагалыгын тапшырганы менен саясаттан кеткен жок. Бул тууралуу партиянын жетекчисинин орун басары Кундуз Жолдубаева билдирди.

Эске салсак, 25-май күнү Алмазбек Атамбаев партиянын төрагалыгынан кеткен. Мындай чечим кабыл алууга "КР Президентинин ишмердигинин кепилдиктери жөнүндө" мыйзамы себеп болгон.

Белгилей кетсек, 16-май күнү Президент Сооронбай Жээнбеков экс-президенттин кол тийбестигин алуу мыйзамына кол койгон. Ага ылайык, экс-президент саясий же мамлекеттик бийлик органдарында жетекчилик кызматтарды ээлей албайт. Ошондой эле саясий партиялардын башкаруу органдарында эмгектенүүсү мүмкүн эмес.

Жолдубаеванын айтымында, Атамбаев саясаттан кеткен жок. Мыйзам боюнча экс-президент саясий партияларда эмгектене албаганы менен саясий ишмердүүлүккө тыюу салынган эмес.

"Атамбаев КСДПны жаш тарапташтарына өткөрүп берди. Бирок ал өзүнүн саясаттагы миссиясын акырына чейин ишке ашыра элек. Мындан улам экс-президент буга чейин жар салган саясий максаттарынан баш тартпайт. Ал бул боюнча партиянын жыйынында дагы билдирди", — деди Жолдубаева.

Учурда КСДП төрагасынын милдетин Жогорку Кеңештин депутаты Асел Кодуранова аткарып жатат.

Тема боюнча

Алмазбек Атамбаев КСДПнын төрагалыгынан кетти. Себеби
Белгилер:
саясат, КСДП фракциясы, Алмазбек Атамбаев

ЭҢ МААНИЛҮҮ