Кирешеси миллиондорду чапчыган кыргызстандык аткаминерлер. Тизме

© AFP / ERNESTO BENAVIDESАКШ долларлары. Архив
АКШ долларлары. Архив - Sputnik Кыргызстан
Жазылуу
2016-жылы көп киреше тапкандардын арасында элчилер арбын болгон.

БИШКЕК, 14-май — Sputnik. Салык төлөгөн элге жогорку кызматтагы аткаминерлердин айлыгы ар дайым кызыгууну жаратып келет.

Анткен менен бул тема жабык, себеби алар декларациясына жалпы гана кирешесин, мүлктөрүн жарыялайт.

Суд над Еленой Удреей в Бухаресте - Sputnik Кыргызстан
Көчөдө жашайбы? Чүйдүн итке минген жана эң бай акимдеринин тизмеси
Sputnik Кыргызстан редакциясы кирешеси жылына 2 миллион сомдон ашкан мамлекеттик кызматкерлердин тизмесин түзүп чыкты. Маалыматтар алардын толтурган декларациясынан алынды (2017-жыл).

Белгилей кетүүчү нерсе, президент Сооронбай Жээнбековдун кирешеси 900 миң сомдон азыраак экен. Бул тизмеде учурда мамлекеттик кызматта иштеп жаткандар туурасында гана сөз болот.

Баса, алардын 2017-жылы ээлеп турган кызматтары кашаага алынып берилген. Кирешелер сом менен белгиленди.

5 миллиондон ашкан кирешенин ээлери:

  • Улуу Британиядагы элчи Гүлнара Искакова — 5 миллион 439 миң;
  • Алматыдагы башкы консул Алиясбек Алымкулов — 5 миллион 23 миң.

4 миллиондон ашкан кирешенин ээлери:

  • Сүлүктү шаарынын мэри Рахманберди Абдыназаров —4 миллион 751 миң;
  • БУУнун жана Женевадагы бир катар эл аралык уюмдардын туруктуу өкүлү Данияр Мукашев — 4 миллион 69 миң.

3 миллиондон ашкан кирешенин ээлери:

  • Украинадагы элчи Жусупбек Шарипов (көп бөлүгүн ал 2017-жылы Кувейттеги элчиликте иштеген) — 3 миллион 980 миң;
  • АКШнын элчиси Болот Отунбаев (Россияда элчи болуп турган) — 3 миллион 968 миң;
  • Индиядагы элчи Асеин Исаев (Бельгияда элчи болуп турган) — 3 миллион 886 миң;
  • Белоруссиядагы элчи Кубанычбек Өмүралиев — 3 миллион 374 миң;
  • Германиядагы элчи Эринес Оторбаев — 3 миллион 718 миң;
  • Сауд Аравиядагы элчи Абдилатиф Жумабаев — 3 миллион 547 миң;
  • Коопсуздук кеңешинин катчысы Дамир Сагынбаев (Коопсуздук кеңешинин катчысынын биринчи орун басары болуп турган) — 3 миллион 521 миң.

2 миллиондон ашкан кирешенин ээлери:

  • Афганистандагы элчи Мирослав Ниязов (Тажикстанда элчи болуп иштеп турганда) — 2 миллион 814 миң;
  • Пакистандагы Эрик Бейшембиев —2 миллион 464 миң;
  • Бириккен Араб Эмирлигиндеги элчи Чыңгыз Эшимбеков — 2 миллион 464 миң;
  • Премьер-министр Мухаммедкалый Абылгазиев (президенттин кеңешчиси, президенттик аппараттын жетекчисинин орун басары) —2 миллион 368 миң;
  • Жалал-Абад облусундагы Ноокен районунун акими Эркинбек Маматаев - 2 миллион 257 миң;
  • Президенттик аппараттын тышкы саясат боюнча бөлүмүнүн жетекчиси Данияр Сыдыков (Өзбекстандагы элчи учурунда) — 2 миллион 247 миң;
  • Кытайдагы элчи Канайым Бактыгулова — 2 миллион 65 миң.

Эске сала кетчү учур, бул жерде айлык акы гана эмес, иштеген негизги ишинен алынган башка кирешелер да көрсөтүлгөн.

2016-жылы көп киреше тапкандардын арасында элчилер арбын болгон. Ал тизмеде негизги ишинен тапкан кирешеси белгиленген.

Жаңылыктар түрмөгү
0