ШКУга мүчө өлкөлөрдүн коргоо министрлери жыйынга чогулду. Талкууланчу сөз

© Sputnik / Ольга Балашова / Медиабанкка өтүүШКУ мамлекеттеринин желектери. Архив
ШКУ мамлекеттеринин желектери. Архив - Sputnik Кыргызстан
Жазылуу
Бир катар маанилүү документтерге кол коюлат.

БИШКЕК, 29-апр. — Sputnik. Бишкекте Шанхай кызматташтыгы уюмуна (ШКУ) мүчө мамлекеттердин коргоо министрлеринин жыйыны башталды.

Ага быйыл Кыргызстан төрагалык кылат.

Сегиз мамлекеттин коргоо министрлери эл аралык жана аймактык коопсуздук боюнча маселелерди талкуулап, кызматташуунун актуалдуу маселелерин карашат.

Торжественная церемония передачи военной техники Генштабу - Sputnik Кыргызстан
РФ Кыргызстанга эки тик учак жана 9 сооттолгон аскер машинасын берди. Сүрөт
Генералдык штабдын маалымат кызматынын кабарлашынча, жыйынга Казакстандын, Кыргызстан, Кытай, Россия, Индия, Пакистан, Өзбекстан жана Тажикстандын Коргоо министрликтеринин башчылары келген. Ал эми ардактуу конок катары Белоруссиянын министри чакырылган.

Иш-чараны Генштабдын башчысы Райимберди Дүйшөнбиев ачты.

Күн тартибинде ШКУга мүчө мамлекеттердин кызматташуусу тууралуу доклады жана ШКУнун террорго каршы күрөшүү боюнча регионалдык түзүмүнүн маалыматы угулат. Андан соң тараптардын аймактык жана эл аралык коопсуздук боюнча пикир алышуусу болот.

Дүйшөнбиев жыйындын соңунда кол коюла турчу документтерди тизмектеди. Алар:

  • ШКУга мүчө мамлекеттердин биргеликте аскер машыгууларын өткөрүү жөнүндөгү келишимге толуктоо киргизүү тууралуу протокол;
  • ШКУга мүчө мамлекеттердин коргоо министрлеринин жыйынынын протоколу;
  • ШКУга мүчө мамлекеттердин коргоо министрлеринин чогулушунун жыйынтыгы тууралуу биргелешкен коммюнике;
  • ШКУга мүчө мамлекеттердин коргоо мекемелеринин 2020-2021-жылдарга карата кызматташуу планы.

Генштабдын маалымат кызматынын билдиришинче, ШКУга мүчө мамлекеттердин биргеликте аскер машыгууларын өткөрүү жөнүндөгү келишимге толуктоо киргизүү тууралуу протоколу маанилүү документтерден болуп саналат. Ага ылайык, Индия, Пакистан жана башка ШКУга мүчө болгусу келген мамлекеттер машыгууларга катыша алат.

Жаңылыктар түрмөгү
0