18:41 13 Жетинин айы 2019
Түз эфир
  • USD69.8500
  • EUR76.8979
  • RUB1.0880
Кыргызстандын президенти Сооронбай Жээнбеков. Архив

Бирөөнүн мүлкүн тартып алууну актап... Жээнбеков соттор тууралуу

© Пресс-служба президента КР / Султан Досалиев
Саясат
Кыскача шилтеме алуу
368 0 0

Президент Жогорку сот бул системада реформа жасоо зарылдыгын айтты.

БИШКЕК, 11-мар. — Sputnik. Президент Сооронбай Жээнбеков Кыргызстан сотторунун XI курултайында өлкөдөгү фемида өкүлдөрүнүн ишиндеги төбө чачты тик тургузган фактыларын санады.

Анын айтымында, аталган тармакта сот болууга татыксыз бир катар адам иштеп жатат. Тагыраак айтканда, өзүнүн кызыкчылыгы үчүн оор кылмыштарга көз жумган судьялар болгон. Андан сырткары, чет өлкөлүк жарандардын мүлкүн тартып алууну шарттаган чечимдерди чыгарган. Муну менен катар эле кээ бирлери баңгизаттарына байланыштуу иштерде одоно каталарды кетирген.

"Атап айтсак, Ош облусунун соттору 14 килограмм гашиш менен кармалган чет элдиктин жазасын жеңилдетип, мунапыс бердирткен. Аппеляциядан кийин прокуратуранын чечими жокко чыгарылып, иш кайрадан каралат. Учурда аталган судьяга карата кылмыш иши козголду", — деди президент.

Ал Сотторду тандоо кеңешине ушундай кылмыш иштерин караган судьялардын талапкерлигин кайра кайтарып бергендигин белгиледи.

"Ал учурунда 27 килограмм героин жана беш килограмм гашиш менен кармалган кишинин ишин токтотуп, аны кайрадан райондук сотко жөнөткөн. Муну кандай деп түшүнүүгө болот?" — деп суроо салды Жээнбеков.

Мамлекет башчы мындай кадамдар тартип коргоо органдарынын иштерине терс таасирин тийгизип, баңгизаттары боюнча иштерди иликтөө айлап созулуп кетип жаткандыгын эске салган.

Президент аны менен катар эле Жогорку сотто бир нече ирет каралып жаткан иштерди мисалга келтирди.

"Кылмышкер адамга ок чыгарып, аны майып кылып койгон бир кылмыш иши бар. Ал 2005-жылы козголгон. Ошондон бери Жогорку сотто жети ирет каралыптыр", — деди ал.

Жээнбеков Жогорку сот бул системада реформа жасоосу зарылдыгын айтты.

Буга чейин президент сот системасындагы иштерди, алардын кесипкөйлүгүн бир нече ирет сындап келген. 2018-жылы февраль айында өткөн коопсуздук жыйында соттордун ишине кийлигишүү оюнда жок экенин, бирок айрым учурлар кийлигишүүгө аргасыз кылып жатканын айткан.

Тема боюнча

Жээнбеков: сот ишине кийлигишейин деген оюм жок, бирок мажбур болуп жатам
Жээнбеков сотторго эмне милдет жүктөлгөндүгүн бүгүн дагы бир ирет эскертти
Белгилер:
кылмыш иши, баңгизат, курултай, сот, Сооронбай Жээнбеков, Кыргызстан

ЭҢ МААНИЛҮҮ