21:36 22 Жетинин айы 2019
Түз эфир
  • USD69.8500
  • EUR77.3135
  • RUB1.0964
Президент Сооронбай Жээнбеков бүгүн, 1-февралда, өлкөнүн ички иштер министри Кашкар Жунушалиевди кабыл алды

Беш эсе! Кашкар Жунушалиев президентке кылмыштар эмнеге көбөйүп кеткенин айтты

© Пресс-служба президента КР / Султан Досалиев
Саясат
Кыскача шилтеме алуу
1185 0 0

2017-жылдын январында эки миңге жетпеген кылмыш катталса, быйыл январда 10 миңге жеткен.

БИШКЕК, 1-фев. — Sputnik. Президент Сооронбай Жээнбеков бүгүн, 1-февралда, өлкөнүн ички иштер министри Кашкар Жунушалиевди кабыл алды. Бул тууралуу мамлекет башчынын маалымат кызматынан кабарлашты.

Билдирмеге караганда, министр 2018-жылдын жыйынтыгы жана 2019-жылга карата пландар тууралуу айтып берген.

  • Президент Кыргызской Республики Сооронбай Жээнбеков  принял министра внутренних дел страны Кашкара Джунушалиева. 1 февраля 2019 года
    Президент Сооронбай Жээнбеков бүгүн, 1-февралда, өлкөнүн ички иштер министри Кашкар Жунушалиевди кабыл алды.
    © Пресс-служба президента КР / Султан Досалиев
  • Министр внутренних дел Кыргызстана Кашкар Джунушалиев во время визита к президенту
    Министр 2018-жылдын жыйынтыгы жана 2019-жылга карата пландар тууралуу айтып берген.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Сооронбай Жээнбеков бүгүн, 1-февралда, өлкөнүн ички иштер министри Кашкар Жунушалиевди кабыл алды.

"2019-жылдын январында 10 миңден ашуун кылмыш жана жоруктар катталса, өткөн жылдын январында эки миңге жетпеген кылмыш аныкталган. Бул бардык кылмыштардын бирдиктүү реестринде катталып, натыйжада кылмыштарды жаап-жашыруу азайганына байланыштуу болууда", — деди Жунушалиев.

Ал ошондой эле коомдо чоң талкуу жаратып, милиция кызматкерлери да айыпталып жаткан кылмыштар жөнүндө маалымат берди.

"Ички иштер органдарынын кызматкерлеринин арасындагы кылмыштардын бетин ачуу көбөйдү. Бул коррупция менен күрөштүн жана ИИМде ишке ашырылып жаткан реформанын жыйынтыгы. Күнөөлүүлөр мыйзамга ылайык жазасын алат. Биз таза, ачык жумушту жүргүзүүнү уланта беребиз", — деди министр.

Ал милициянын аброюна шек келтирген таза эмес кызматкерлерден ички иштер органдарынын катарын тазалоо иши улантылып жатканын белгиледи.

Президент Сооронбай Жээнбеков болсо кыргызстандыктар ички иштер органдарынан кылмыштуулук менен күрөшүүдөгү олуттуу жыйынтыктарды, тартип жана коомдук коопсуздукту камсыздоо боюнча эффективдүү иш-аракеттерди күтүп жатканын билдирди.

"Коомчулуктун ички иштер органдарына карата сын-пикирлери көбөйгөнүн эске алып, ИИМ өздүк курамды таза эмес кызматкерлерден тазалоо боюнча ачык ишти улантууга тийиш. Республиканын ички иштер органдарындагы реформалар биринчи кезекте милиция кызматкерлеринин коомчулук алдындагы жоопкерчилигин жогорулатууга багытталышы зарыл. Жарандар "Менин милициям мени коргойт" деп кайрадан ишеним менен айткандай деңгээлге жетишибиз керек", — деди президент.

Мамлекет башчы ИИМдин жол коопсуздугун камсыздоочу бөлүктөрүн реформалоого багытталган иш-чараларды жүргүзүүнүн маанисин белгиледи.

Тема боюнча

Былтыр канча милиционер жазаланган. ИИМдин жообу
Зордуктоого шектелип жаткан милиционер үй камагына чыгарылды
Белгилер:
кылмыш, Кашкар Жунушалиев, Сооронбай Жээнбеков, Кыргызстан

ЭҢ МААНИЛҮҮ