Алмамбет Шыкмаматовдун кылмыш иши токтотулду

© Sputnik / Табылды Кадырбеков"Ата Мекен" фракциясынын лидери Алмамбет Шыкмаматов. Архив
Ата Мекен фракциясынын лидери Алмамбет Шыкмаматов. Архив - Sputnik Кыргызстан
Жазылуу
Депутат Эсеп палатасында аудитор болуп иштеп турган кезинде мыйзам бузган деп күнөөлөнүп келген.

БИШКЕК, 25-дек. — Sputnik. "Ата Мекен" фракциясынын лидери Алмамбет Шыкмаматовго козголгон кылмыш иши токтотулду. Бул тууралуу депутат Sputnik Кыргызстан агенттигинин кабарчысына билдирди.

Анын айтымында, иштин токтогону тууралуу эл өкүлүн шейшемби күнү УКМК кабардар кылган.

Шыкмаматов агенттикке УКМКдан келген каттын сүрөтүн көрсөттү. Анда ар тараптуу иликтөөдөн кийин Шыкмаматовдун аракетинде эч кандай кылмыш жок экени аныкталганы жазылган.

Эскерте кетсек, иш 2017-жылдын 17-февралында Башкы прокуратура тарабынан козголгон. Эсеп палатасынын бир нече кызмат адамдары кызматтык жасалмалуулук боюнча айыпталган. Арасында аудитор Алмамбет Шыкмаматов бар болчу. Алар кызматтык унаа сатып алууда Мамлекеттик сатып алуулар боюнча мыйзамды бузган деп күнөөлөнгөн.

Премьер-министр КР Сапар Исаков - Sputnik Кыргызстан
УКМК: Сапар Исаков коррупциялык иштерге аралашкан, далил бар
Ал эми Шыкмаматовго жеке кызыкчылыгын көздөп, жубайы Ж.Турдакунованын 2000-жылы чыккан Mercedes-Benz Е 320 үлгүсүндөгү машинасын баасын жогорулатып "Барат Люкс" ишканасынын тендердик табыштамасына киргизген деген кине коюлган. Унаа наркы 14 миң 637 доллар деп көрсөтүлгөн. Бирок "Азия-Оценка" ААКтын корутундусуна ылайык, унаанын 2011-жылдагы базар баасы 10 миң доллардын тегерегинде болгон.

Былтыр декабрда Биринчи май райондук соту Шыкмаматовго 5 миллион сом төлөтүү боюнча өкүм чыгарган. Бирок депутат жогорку инстанцияга доо арыз менен кайрылып, натыйжада райондук соттун чечими жокко чыгарылган. Иш кайра иликтөөгө жиберилген.

УКМК кийинчерээк түшүндүрмө берерин айтты.

Жаңылыктар түрмөгү
0