21:42 22 Жетинин айы 2019
Түз эфир
  • USD69.8500
  • EUR77.3135
  • RUB1.0964
Кыргызстандын президенти Сооронбай Жээнбеков. Архив

Жээнбеков: Баш мыйзамга өзгөртүү киргизүүнүн зарылдыгы жок

© Пресс-служба президента КР / Султан Досалиев
Саясат
Кыскача шилтеме алуу
16601

Өлкө башчы кеп Конституцияда эмес, кеп мыйзамды сыйлаган же аны бузган адамдарда болуп жатканын белгиледи.

БИШКЕК, 21-дек. — Sputnik. Өлкөнүн өнүгүүсү үчүн азыркы конституциялык мейкиндик деле жетиштүү. Баш мыйзамга өзгөртүү киргизүүнүн зарылдыгы жок. Бул тууралуу президент Сооронбай Жээнбеков кыргыз парламентинин 80 жылдык мааракесине арналган илимий-практикалык конференцияга катышып жатып билдирди.

Өлкө башчы кеп Конституцияда эмес, кеп мыйзамды сыйлаган же аны бузган адамдарда болуп жатканын белгиледи.

"Урматтуу мекендештерим, Конституцияны өзгөртүү жөнүндө сөз кылганда төмөнкү жагдайларды унутпасак. Эгемендүү Кыргызстандын Конституциясы 1993-жылдын 5-майында абдан узакка созулган талкуунун жыйынтыгы менен кабыл алынган. Бирок ага карабай бүгүнкү күнгө чейин, жыйырма беш жылдын ичинде Баш мыйзамга он жолу өзгөртүүлөр киргизилген. Ал эми 2010-жылы референдум аркылуу Конституция 2020-жылга чейин өзгөрбөсүн деп элибиз добуш берген. Элдин ошол чечимине карабай, 2016-жылы Конституцияны дагы бир жолу өзгөртүүгө жол берилди. Ошондуктан 2010-жылдагы окуяларды эстеп, элдин эркин сыйлап, Баш мыйзамга өзгөртүүлөрдү киргизүүнүн зарылдыгы жок деп эсептейм", — деди президент.

Мамлекет башчы Конституцияны өзгөртүүгө бир топ убакыт талап кылынарын, анын ордуна маанилүү иштерди, мисалы, экономиканы көтөрүүгө күч жумшоо маанилүү экенин белгиледи.

Тема боюнча

Жээнбеков жана чекисттер. Сүрөт
Жээнбеков: чөнтөгүн кампайтууну каалаган мамлекеттик кызматкерлерди уяткаруу керек
Белгилер:
мыйзам, конституция, Сооронбай Жээнбеков

ЭҢ МААНИЛҮҮ