БИШКЕК, 24-окт. — Sputnik. Россия президенти Владимир Путин Парижге боло турган сапарынын алкагында америкалык кесиптеши Дональд Трамп менен жолуга турганын жардамчысы Юрий Ушаковго таянуу менен РИА Новости жазып чыкты.
Буга чейин Путин АКШ президентинин улуттук коопсуздук боюнча кеңешчиси Жон Болтон менен жолуккан.
"Болтондун тышкы саясат жана аскердик-саясий командабыздын өкүлдөрү менен болгон сүйлөшүүсүндө эки президенттин Парижде жолугушуу мүмкүндүгү айтылган. Президент да жолугушуу боло турганын тастыктады", — деди Ушаков.
Ушаков мамлекет башчылардын сүйлөшүүсүнүн узактыгы өздөрүнө байланыштуу экенин белгиледи.
"Бул кадимки эки тараптуу жолугушуу болот", — деди президенттин жардамчысы.
Анын айтымында, РФ менен АКШ лидерлеринин андан башка да бир топ жолугушуулары болушу ыктымал, бирок алардын кайсыл учурда болору тактала элек.
