07:39 25 Баш оона 2019
Түз эфир
  • USD69.7882
  • EUR77.2311
  • RUB1.0638
Жогорку Кеңештин депутаты Элвира Сурабалдиеванын архивдик сүрөтү

Элвира Сурабалдиева: канкорлорду экстрадициялоого саясий эрк керек

© Sputnik / Табылды Кадырбеков
Саясат
Кыскача шилтеме алуу
135 0 0

Учурда Жогорку Кеңештин депутаттары Евгений Гуревичтин Бакиевдер Кыргызстандан 200-300 миллион доллар чыгарып кеткен деп айтканы боюнча тийиштүү мамлекеттик органдардын пикирин угууда.

БИШКЕК, 27-сен. — Sputnik. Жогорку Кеңештин депутаты Элвира Сурабалдиева Бакиевдер өлкөдөн чыгып кеткенине 8 жыл болсо да эмнеге азыркыга чейин аларды экстрадициялоо боюнча чара көрүлбөй жатканына кызыгып, ал үчүн саясий эрк жетишпей жатабы, деп суроо салды.

Учурда Жогорку Кеңештин депутаттары Евгений Гуревичтин Бакиевдер Кыргызстандан 200-300 миллион доллар чыгарып кеткен деп айтканы боюнча тийиштүү мамлекеттик органдардын пикирин угууда.

Өз кезегинде башкы прокурор Өткүрбек Жамшитов АКШ жана Улуу Британия менен экстрадициялоо боюнча келишим жок болгондуктан алардын сунуштарын мамлекеттин тийиштүү органдары четке кагып жатканын белгиледи.

"АКШ, Улуу Британия менен эктсрадициялоо боюнча келишим жок экен, андыктан биздин сунуштар четке кагылган. Бирок биз келишим түзгөнгө даярбыз", — деди башкы прокурор.

Депутат Сурабалдиева качып кеткен саясатчылар миллион менен эмес, миллиарддаган доллар чыгарып кетип, чет жакта жыргап жашап жатканын айтты.

Андан сырткары, быйыл декабрда төраганын Улуу Британияга сапары пландалып жатканын, ал жактан ушул маселени көтөрүү керектигин айтты. Төрага Дастан Жумабеков депутаттын сунушун эске аларын билдирди.

Сурабалдиева ошондой эле Бакиевдердин зулумдугунан атасынан ажыраганын айтып, аларды экстрадициялап, жоопко тартууга аябай кызыкдар экенин кошумчалады.

"Бул канкорлордон биздин үй бүлө жабыркаган, мен атамды жоготком. Канчалаган кишилерди атып кетишти. Бул маселеге күйүп бышып жатам, эки жыл мурда да көтөргөм, азыр да көтөрүп жатам", — деди эл өкүлү.

Сурабалдиева элдин байлыгын уурдап чет жакка качып кеткен кишилерди Кыргызстанга алып келүү саясий эркти талап кыларын жана өкмөттө отургандардын колунда экенин кошумчалады.

Тема боюнча

Акылбек Жапаров: Centerra рекультивация үчүн берчү акча КРге али келе элек
Изделбей, Интерполдун тизмесинен өчкөн кыргызстандык экс-саясатчылар
Атамбаев өзү менен кошо "ала кеткен" саясатчылар
Белгилер:
экстрадиция, Жогорку Кеңеш, Евгений Гуревич, Элвира Сурабалдиева, Максим Бакиев, Бишкек

ЭҢ МААНИЛҮҮ