Бабанов Он-Адырда эл менен жолукканда эмне деп айткан

© REUTERS / Vladimir PirogovКандидат в президенты от оппозиции Омурбек Бабанов
Кандидат в президенты от оппозиции Омурбек Бабанов - Sputnik Кыргызстан
Жазылуу
Башкы прокуратура президенттикке талапкер болгон Бабановдун үгүт учурунда айткандары боюнча кылмыш ишин козгоду

БИШКЕК, 4-ноя. — Sputnik. "Республика — Ата-Журт" фракциясынын башчысы Өмүрбек Бабанов анын Ош шаарында айткандары бурмаланганын билдирген болчу.

Предвыборный ход президента КР - Sputnik Кыргызстан
Бабанов чөт өлкөгө кетер-кетпесин айтты
Башкы прокуратура ишемби күнү, 4-ноябрда президенттикке талапкер болгон Бабановдун үгүт учурунда айткандары боюнча кылмыш ишин козгоду.

Ага ылайык, 28-сентябрда Бабанов үгүт малында Ош шаарынын Он-Адыр кичи районунда калк менен жолугушуу өткөргөн. Бул аймакта негизинен өзбек улутундагылар жашайт.

Башкы прокуратуранын маалыматына ылайык, Бабанов өзбек улутунун укугу басмырланып жатканы, өлкөдөгү улуттук теңсиздик жана өзбек улутундагыларга мамлекеттик органдар тарабынан үстөмдүк болуп жатканын айткан. Түзүлгөн мындай абалга карата аракет кылууга чакырган.

Бабанов өзүнүн социалдык баракчасына Он-Адырда сүйлөгөн сөзүнүн видеосун жарыялаган. Анын алдына жазган текстинде анын айткандарын бурмалашканын билдирген.

"Эми кечээ күнү менин апама асылгандар, бүгүн болсо менин Он-Адырда сүйлөгөн сөзүмдү бурмалап чыгышыптыр. Мен башынан эле Акыйкат бийликти орнотом, коопсуздукту, мыйзамдуулукту түзөм деп келатам. Эмне милиция кыргызды кыйнаган жокпу? Эмне азыр түрмөдө миңдеген кыргыздар эч күнөөсүз жаткан жокпу? Эмне, соттор кыргыздан пара төлөбөгөң он жылдап бир тоок уурдабасаң дагы камап атышкан жокпу! Уюшулган кылмыштуулук — черныйлар кыргыз ишкерлерди тоногон жокпу? Мен ошону айттым! Биз коррупцияны жоёбуз! Мамлекетти күчөтөбүз! Тартипти орнотобуз! Бардыгыбыз коопсуз жашайбыз! Муну этноско бургандар, түштүк-түндүккө айланткандар — эл душмандары!", — деп жазган.

Эске салсак, 15-октябрда өткөн президенттик шайлоонун жыйынтыгында Өмүрбек Бабанов экинчи орунду ээлеген.

Шайлоо аяктагандан кийин берген маалымат жыйындарынын биринде Бабанов өлкөдөн качып кетпей турганын айткан.

Жаңылыктар түрмөгү
0