01:06 24 Тогуздун айы 2017
Түз эфир
Церемония открытия многоквартирного жилого дома, построенного для чекистов в Бишкеке

Алмазбек Атамбаев кыргыз-казак чек арасындагы абал тууралуу оюн билдирди

© Пресс-служба президента КР / Султан Досалиев
Саясат
Кыскача шилтеме алуу
Кыргызстан менен Казакстандын чек арасындагы абал (51)
1146427

7-октябрь күнү президент Алмазбек Атамбаев Казакстан бийлиги тууралуу кескин пикирин билдирген. Ошондон бир нече күндөн кийин эле эки өлкөнүн чек ара постторунда кыргыз жарандарын Казакстанга киргизүү боюнча көйгөйлөр жарала баштаган.

БИШКЕК, 13-окт. — Sputnik. Өлкө башчысы Алмазбек Атамбаев Баткенде күч органдарынын кызматкерлерине берилген үйлөрдүн ачкычын тапшырып жатып кыргыз-казак чек арасындагы кырдаалга токтоло кетти.

Өлкө башчысы учурда облус тургундары менен президент катары акыркы жолугушууларды өткөрүп жатканын баса белгиледи.

"Үч күн бою региондорду кыдыруу менен бирге кыргыз-казак чек арасында болуп жаткан башаламандыкка көз салып турам. Ал жерде ЕАЭБдин бардык келишимдери бузулуп жатат", — деди Атамбаев.

Ал кыргыз элинин бери дегенде үч миң жылдык тарыхы бар экенин баса белгиледи.

"Мындай эл үч күндүк блокададан коркуп кетпейт деп ойлойм. Биздин эл үчүн жашоодон дагы намыс бийик турат. Башыбыздан көп сыноо өттү, мисалы, 2010-жылкы 1,5 айлык блокададан деле өткөнбүз. Бүгүнкү мыйзамсыздыкты дагы жеңип, өз көз карандысыздыгыбызды коргоп калабыз", — деди Атамбаев.

Ошондой эле президент ачкачылык менен дагы эки эл качандыр бир кезде бирге күрөшкөнүн кошумчалады.

"Коңшулар бири-бири менен ынтымакта жашап, бири-бирине жардам көрсөтүшү керек. Казакстанда катуу ачкачылык болгондо кыргыз эли акыркы наны менен бөлүшүп, эки эл тең аман калган. Биздин тамырыбыз бир, кыргызда казактын, казакта кыргыздын каны бар. Менин чоң апаларым казакстандык болушкан. Ал эми биринчи неберемдин энеси дагы казак кызы. Эч бир өлкө башчылары эки элдин ынтымагын ыдырата албайт", — деди президент.

Сөзүнүн аягында Атамбаев кыргыз армиясы күчтүү экенин жана жооп бере аларын айтып, бирок учурда каражат жана маалымат согушу болуп жатканын кошумчалады. Эгемендүүлүктү аскер менен эмес, акыл менен сактоо керектигин айтты.

7-октябрь күнү президент Алмазбек Атамбаев "Ала-Арча" резиденциясында мамлекеттик сыйлыктарды тапшырып жатып, Казакстандагы айрым кишилердин аракетин сынга алган.

Андан кийин Казакстандын премьер-министри Бакытжан Сагинтаев Кыргызстандын президенти Алмазбек Атамбаевдин казак бийлиги тууралуу айткандары боюнча билдирүү жасаган.

Ал эми 10-октябрь күнү кыргыз-казак чек арасында Казакстанга киргизүү боюнча көйгөйлөр жаралган.

Тема:
Кыргызстан менен Казакстандын чек арасындагы абал (51)

Тема боюнча

Казакстан Кыргызстандагы президенттик шайлоого байкоочуларын жибербейт
Чек ара кызматы: кыргыз-казак чегиндеги өткөрүү пунктунда кезек күткөн эл жокко эсе
Белгилер:
чек ара, Алмазбек Атамбаев, Баткен, Казакстан
Колдонуу эрежелериПикирлер

ЭҢ МААНИЛҮҮ