Кыргыз өкмөтү казак бийлигине жооп кайтарды

Жазылуу
Кыргызстандын премьер-министри эки тараптуу расмий сүйлөшүүлөр болгону жөнүндө кеп кылган эмес

БИШКЕК, 12-окт. — Sputnik. Кыргызстандын премьер-министри Сапар Исаковдун Facebook тармагындагы баракчасында өкмөт башчы казак лидери менен чек арадагы көзөмөл өткөрүү пунктуларындагы кырдаал боюнча сүйлөшкөнү көрсөтүлгөн. Бирок анда эки тараптуу расмий сүйлөшүүлөр болгону жөнүндө жазылган эмес. Бул тууралуу КРдин өкмөтүнүн маалымат кызматынан кабарлашты.

Эскерте кетсек, бүгүн казак өкмөтү Нурсултан Назарбаев Сочи шаарында Сапар Исаков менен сүйлөшкөндөн кийин кыргыз-казак чек арасындагы кырдаалды жөнгө салуу боюнча өз өкмөтүнө тапшырма берген эмес деген билдирүү тараткан.

Кыргыз өкмөтүнүн маалыматына караганда премьердин Назарбаев менен болгон маеги учурунда казак башчысы жаралган маселелердин бардыгын жоюуга тапшырма берерин айткан.

"Жогорку Евразиялык экономикалык кеңешинин тар чөйрөдөгү жыйыны аяктаган учурда башка катышуучулардын көзүнчө премьер-министр Сапар Исаков Казакстандын президентине маселени тез арада чечкендиги үчүн ыраазычылыгын билдирген. Назарбаев өз учурунда ар дайым эки тараптуу мамилелердин чыңдалышына салым кошууга даяр экенин айткан", — деп айтылат маалыматта.

Ошондой эле премьер-министр Казакстандын лидери менен болгон маегине таянып коомчулукка маалымат бергени кошумчаланган.

Кыргызстандын өкмөтү казак тарап кыска убакыт аралыгында чек арада жүргүзүп жаткан пландык иштерин аяктап, көзөмөл өткөрүү пункттарындагы иш мурдагы калыбына келет деген үмүттө.

Жаңылыктар түрмөгү
0