Түрк чиновнигинин "Себат" тууралуу пикирин Кыргызстан басым катары кабыл алды

© Sputnik / Андрей Стенин / Медиабанкка өтүүАнтиправительственные выступления против исламизации Турции
Антиправительственные выступления против исламизации Турции - Sputnik Кыргызстан
Жазылуу
Билим берүү министрлиги Түркиянын расмий билдирүүсүн чектен ашкандык катары сыпаттады

БИШКЕК, 15-авг. — Sputnik. Кыргызстандын Билим берүү жана илим министрлиги Түркиянын билим берүү министринин орун басары Орхан Эрдемдин билдирүүсүн бийликке жана жалпы кыргыз коомчулугуна басым катары кабыл алат. Бул тууралуу аталган министрликтин маалымат кызматынан кабарлашты.

Түркиялык динаятчы Фетхуллах Гүлендин архивдик сүрөтү - Sputnik Кыргызстан
Түркия Гүлен жана депутаттарды кошкондо 130 кишини жарандыктан ажыратарын айтты
Эске салсак, Орхан Эрдем Бурса шаарында өткөн "Кыргызстанда диний билим берүүнү илгерилетүү" жайкы программасынын аяктоо аземине катышкан. Ал жыйын учурунда Гүллендин террордук уюму өтө күчтүү экенин айтуу менен "Себат" билим берүү мекемесине балдарды окууга жибербөөгө чакырган. Ал ошондой эле аталган мекемеден билим алгандарга Түркияга кирүүгө виза берилбей калышы мүмкүн экенин баса белгилеген.

"Кыргызстандын Билим берүү жана илим министрлиги Түркиянын билим берүү министринин орун басары Орхан Эрдемдин айткан кебин бийликке жана кыргыз коомчулугуна жасалган басым катары кабыл алат. "Сапат" билим берүү мекемеси 1992-жылдан бери Кыргызстанда иш алып барып келет. Бул убакыт аралыгында биздин 10 миңден ашык жараныбыз татыктуу билим алышты. Алар түрк тилин, маданиятын үйрөнүп, эки өлкөнү бириктирген коомдун маанилүү бир бөлүгү", — деп айтылат маалыматта.

Ошондой эле билдирмеде "Сапат" мекемеси Кыргызстандын мыйзамдарынын чегинде иштеп жатканы баса белгиленген.

Турецкий проповедник Фетхуллах Гюлен - Sputnik Кыргызстан
Түркияда Гүлен менен байланышы бар деп бир жумада 831 киши кармалды
"Сапат" мектептерин террордук уюмга теңеп, андан билим алгандарга санкция киргизүү чектен ашкандык, ал эми Түркиянын расмий өкүлдөрүнүн билдирмеси ойлонулбай жасалган", — деп айтылат маалыматта.

Муну менен катар "Сапат" билим берүү мекемесинин түзүүчүлөр курамына КРдин Билим берүү жана илим министрлиги кирип, окутуу процесси толук көзөмөлдө экени белгиленген.

"Сапат" билим берүү мекемесинин аймактарда 16 лицейи бар. Андан сырткары, Бишкек шаарында "Ататүрк — Алатоо" университети, эл аралык Silk Road мектеби, үч орто мектеби бар.

Жаңылыктар түрмөгү
0