Президенттикке талапкер болууну эңсеп катары менен арыз бергендер. Тизме

© Sputnik / Андрей Стенин / Медиабанкка өтүүДосрочное голосование на президентских выборах в Киргизии
Досрочное голосование на президентских выборах в Киргизии - Sputnik Кыргызстан
Жазылуу
2011-жылы президент болом дегендердин саны 83гө жеткен, быйыл болсо 59га барып токтоду. Sputnik Кыргызстан агенттиги алардын канчасы экинчи ирет бактысын сынап жатканын аныктап көрдү.

БИШКЕК, 1-авг. — Sputnik. Түн жарымда Борбордук шайлоо комиссиясы 15-октябрда өтө турган президенттик жарышка катышам дегендердин арызын кабыл алууну токтотту.

Жалпы жонунан 59 адам документтерин тапшырды. Бирок бул рекорддук көрсөткүч эмес. Себеби 2011-жылы каалоочулардын саны 83гө жеткен.

Спикер Жогорку Кенеша Чыныбай Турсунбеков - Sputnik Кыргызстан
Чыныбай Турсунбеков президенттик шайлоодон эмнеге баш тартканын түшүндүрдү
Белгилей кетчү жагдай, бул адамдар болгону документтерин тапшыргандыктан талапкер деп айтууга болбойт. Алар алгач экзамен тапшырып, 30 миң адамдын колун топтоп, 1 миллион сом күрөө коюу менен дагы башка бир катар талаптарды аткаргандан кийин гана БШК талапкер катары каттайт. Бул жагдайларды эске алганда президент болом дегендердин бардыгы эле тизмеге кире калбайт. Мисалы 2011-жылы ар кандай себептерден улам 67 каалоочу четтетилип, 16 адам талапкер болгон.

Sputnik Кыргызстан маалымат агенттиги быйылкы шайлоого аттанам дегендердин канчасы мурдагы шайлоого да катышканын иликтеп көрдү.

24 жаран өткөнкү жана быйылкы шайлоого документтерин тапшырган. Бирок 2011-жылы алардын 16сы ар кандай себептерден улам талапкер катары каттоого алынган эмес: Игорь Трофимов, Арсланбек Малиев, Дамира Токтосунова, Нышанов Назарбек, Сайнидин Султанидинов, Өмүрбек Текебаев, Исхак Масалиев, Муканбайжан Айманбаев, Темиркул Өмүралиев, Полотбек Кенжекулов, Калмамат Мактымбаев, Өмүрбек Бөлтүрүков, Аскарбек Абышев, Бакыт Керимбеков, Марат Мергенов жана Токтайым Үмөталиева.

Государственная служба исполнения наказания - Sputnik Кыргызстан
БШК: президент болом дегендердин арасындагы 11 киши соттолгон
Дагы сегизи шайлоого катышкан. "ЮТС" телерадиокомпаниясынын башкы директору Алмазбек Каримов эң төмөн добуш алган (0,07 пайыз). Андан бир аз көбүрөөк добушка КМШ, Балтия жана Чыгыш Европа мамлекеттеринин өнөр жайчылар жана ишкер адамдар эл аралык Конгрессинин вице-президенти Акбаралы Айтикеев ээ болгон (0,11 пайыз).

Ал эми УКМКнын төрагасынын мурдагы биринчи орун басары Марат Иманкулов — 0,3 пайыз, "Зима не будет" деген сөзү менен таанылган Арстанбек Абдылдаев 0,47 пайыз жана мурдагы акыйкатчы Турсунбай Бакир уулу 0,82 пайыз добуш алган. "Мекен Ынтымагы" партиясынын лидери Темирбек Асанбеков бир пайыз добушка бир аз жетпей калган (0,93).

Адахан Мадумаров (Бүтүн Кыргызстан) менен Камчыбек Ташиев (Ата-Журт) экинчи (14,78 пайыз), үчүнчү (14,32) орунга ээ болушкан. Ал эми элдин 62 пайыз добушун алган Алмазбек Атамбаев жеңишке жетишкен.

Жаңылыктар түрмөгү
0