Токтайым Үмөталиева Кыргызстандын президенттигине талапкерлигин койду

© Sputnik / Табылды КадырбековБейөкмөт жана коммерциялык эмес уюмдарынын ассоциациясын жетекчиси Токтайым Үмөталиеванын архивдик сүрөтү
Бейөкмөт жана коммерциялык эмес уюмдарынын ассоциациясын жетекчиси Токтайым Үмөталиеванын архивдик сүрөтү - Sputnik Кыргызстан
Жазылуу
Ошентип президент болом дегендердин саны 35ге жетти

БИШКЕК, 21-июл. — Sputnik. Өзүн-өзү президенттикке талапкерлигин көрсөтүү арызы Токтайым Үмөталиева тарабынан Борбордук шайлоо комиссиясына түштү. Бул тууралуу БШКнын маалымат кызматынан кабарлашты.

55 жаштагы Үмөталиева Бейөкмөт жана коммерциялык эмес уюмдарынын ассоциациясын жетектейт. Ошондой эле балдар гезитинин башкы редактору болуп эсептелет.

Ошентип, 2017-жылдын 21-июлуна карата 35 адам президенттикке аттануу ниети менен БШКга арызын тапшырды.

Кол күрөшүп жаткан эркен жана аял. Архив - Sputnik Кыргызстан
Ажолук-2017. Армрестлинг чемпиону Карасартова, суучул Текебаев, фитнесчи Бабанов
Буга чейин Садыр Жапаров, Азимбек Бекназаров, Назарбек Нышанов, Өмүрбек Текебаев, Арстанбек Абдылдаев, Бакыт Дегенбаев, Сайнидин Султанидинов, Камилла Шаршекеева, Таалатбек Масадыков, Өмүрбек Бабанов, Рита Карасартова, Турсунбай Бакир уулу, Замира Муратбекова, Санжарбек Энназаров, Сагынбек Абдрахманов, Мукар Чолпонбаев, Кубан Чороев, Анвар Сартаев, Куттубек Бешбаков, Игорь Трофимов, Максатбек Жумабеков, Улукбек Кочкоров, Нурсет Мамедов, Руслан Жунусов, Мирлан Шерикул уулу жана Арсланбек Малиев талапкерлигин өздөрү көрсөткөн.

Ал эми "Ак-Шумкар" партиясы Темир Сариевдин, "Өнүгүү-Прогресс" Бакыт Төрөбаевдин, "Адам укугу" партиясы Турсунбек Акундун, "Бүтүн Кыргызстан" партиясы Адахан Мадумаровдун, КСДП Сооронбай Жээнбековдун талапкерлигин көрсөттү.

Президенттик шайлоо 2017-жылдын 15-октябрына белгиленген. Кыргызстандын президенти алты жылга шайланат. Ага эки ирет удаасы менен мамлекет башчы болууга укук берилбейт.

Жаңылыктар түрмөгү
0