Казакстандын ТИМи Атамбаевдин айткандарын көбүртүп-жабыртпоого чакырды

Жазылуу
Казакстандын тышкы иштер министри Кыргызстандын президенти Атамбаевдин "блокада" тууралуу айткандарын россиялык айрым депутаттардын айтканындай эле кабыл алууга чакырды.

БИШКЕК, 13-мар. — Sputnik. Казакстандын тышкы иштер министри Кайрат Абдрахманов Кыргызстандын президенти Алмазбек Атамбаевдин коңшу мамлекет тарабынан коюлган "блокада" тууралуу айткандарын көбүртүп-жабыртпоого чакырды. Бул тууралуу Sputnik Казакстан маалымат агенттиги билдирди. 

АКШ долларлары. Архив - Sputnik Кыргызстан
Казакстан убадалаган 100 млн. доллардын 41 миллиону гана бөлүнмөй болду
Казакстан мажилисинин депутаты Омархан Оксикбаев дүйшөмбү күнү өкмөттүк саатта Абдрахмановдон Атамбаевдин айткандары боюнча оюна кызыккан.

Тышкы иштер министри россиялык депутаттын ойлонбой сүйлөгөнүндөй эле Кыргызстандын башчысынын айткандарын көбүртүп-жабыртуунун кажети жок экенин айтып, эки тараптуу дипломатиялык каналдар аркылуу кат алышуу болгонун белгиледи.

Министр өз сөзүндө Астана менен Бишкек иш жүзүнө аша турган кадамдарды жасоого, Кыргызстандын Евразиялык экономикалык биримдиктин шарттарына көнүүсүнө туугандык жардам көрсөтүүгө дилгир экенин кошумчалаган.

"Жеке мен тышкы иштер министри катары кыргызстандык кесиптешим менен бардык деңгээлдеги эки тараптуу кызматташууга канааттанам. Булардын бардыгы биздин эки элдин кызыкчылыктарына туура келет. Анан калса бардыгыбыз бир экономикалык мейкиндикте жашап жатабыз", — деди Абдрахманов.

Премьер-министр Сооронбай Жээнбеков Бишкекте өткөн Евразиялык өкмөт аралык кеңештин жыйыны учурунда - Sputnik Кыргызстан
Жээнбеков ЕАЭБ жыйынынан Кыргызстан эмне пайда көргөнүн айтып берди
Белгилей кетсек, Кыргызстандын президенти Алмазбек Атамбаев Брюсселге болгон иш сапары учурунда Euronews телеканалына берген маегинде 2010-жылы Казакстан Кыргызстанга карата 1,5 ай блокада коюп, ал адам өлүмүнө алып келгенин айткан. Кийин бул боюнча КРдин Тышкы иштер министрлиги түшүндүрмө берип, 2010-жылы баш аламандыктар башталганда жарандар чек арадан мыйзамдуу өтө албай, өз өмүрүн тобокелге салып Кыргызстандан чыгып кетүүгө аракеттерди көргөнүн айткан. 1,5 ай аралыгында өнөкөт оор дарттан жабыркагандар дары-дармекти маалында ала албай каза болгонун да билдирген.

Коңшу өлкөнүн Тышкы иштер министрлиги Атамбаевдин айткандары боюнча түшүндүрмө берүүнү талап кылып, Кыргызстанга дипломатиялык нота тапшырган.

Жаңылыктар түрмөгү
0