Башкы прокуратура Текебаевдин жактоочуларын сотко берди

© Sputnik / Табылды Кадырбеков"Ата Мекен" фракциясынын лидери Өмүрбек Текебаевдин архивдик сүрөтү
Ата Мекен фракциясынын лидери Өмүрбек Текебаевдин архивдик сүрөтү - Sputnik Кыргызстан
Жазылуу
Текебаевдин адвокаттары маалымат жыйында январдын ортосунда "Манас" аэропортуна жакын жердеги Дача айылына кулаган учактагы жүк президент Алмазбек Атамбаеге жана анын аялына таандык экенин айтып чыгышкан.

БИШКЕК, 7-мар. — Sputnik. Кыргызстандын Башкы прокуратурасы камакка алынган депутат Өмүрбек Текебаевдин жактоочуларын "президенттин аброюна шек келтирди" деген кине менен сотко бергенин Sputnik Кыргызстан агенттигине адвокаттардын бири Таалайгүл Токтакунова билдирди.

Анын айтымында, аталган ишти 16-мартта Бишкек шаарынын Октябрь райондук соту карайт.

"Биз 1-мартта берген маалымат жыйында президенттин аброюна шек келтире турган маалыматтарды берген жокпуз. Болгону "Ата Мекен" фракциясынын лидери Өмүрбек Текебаев маалымат жыйынга келе албагандыктан анын оюн коомчулукка билдиргенбиз", — деди Токтакунова.

Сотрудники МЧС на месте крушения самолета недалеко от аэропорта Манас - Sputnik Кыргызстан
Түркия кулаган учактагы жүк Атамбаевге тиешелүү деген маалыматты четке какты
Башкы прокуратура президенттин ар-намысын коргоо үчүн Текебаевдин жактоочуларынын үстүнөн сотко кайрылганын тастыктады.

Текебаевдин жактоочулары маалымат жыйында январдын ортосунда "Манас" аэропортуна жакын жердеги Дача айылына кулаган учактагы жүк президент Алмазбек Атамбаеге жана анын аялына таандык экенин билдиришкен. Ошондой эле Түркиянын атайын кызматынан жүк президентке таандык экенин далилдеген документтерди да алганын маалымдашкан. Бирок Түркиянын Кыргызстандагы элчилиги түрктөрдүн атайын кызматтары мындай документтерди бир кишинин айтына жөнөтпөй турганын билдирип, документтер жасалма экенин маалымдаган. 

Жаңылыктар түрмөгү
0