Конституциянын расмий текстин жарыялоого даярдык көрүлүп жатат

© Пресс-служба президента КР / Султан ДосалиевАлмазбек Атамбаев 23-январда президенттин аппаратынын жетекчиси Фарид Ниязовду кабыл алуу учурунда
Алмазбек Атамбаев 23-январда президенттин аппаратынын жетекчиси Фарид Ниязовду кабыл алуу учурунда - Sputnik Кыргызстан
Жазылуу
Мамлекет башчынын буйругу менен түзүлгөн ведомстволор аралык жумушчу топ ишин аяктап жатат.

БИШКЕК, 23-янв. — Sputnik. Алмазбек Атамбаев 23-январда президенттин аппаратынын жетекчиси Фарид Ниязовдон 2016-жылы 11-декабрда өткөн референдумдун жыйынтыктары боюнча киргизилген оӊдоолорду эске алуу менен КР Конституциясынын расмий текстин жарыялоого даярдык көрүү боюнча ведомстволор аралык жумушчу топтун иши тууралуу кабардар болду. Бул тууралуу өлкө башчынын маалымат кызматы билдирди.

Ниязовдун айтымында, мамлекет башчынын буйругу менен түзүлгөн ведомстволор аралык жумушчу топ ишин аяктап жатат. 

Рабочее совещание по обсуждению мер по реализации Закона КР О внесении изменений в Конституцию - Sputnik Кыргызстан
Өкмөт жаңы Баш мыйзамдагы дал келбестиктерди жөнгө салат
"Конституцияга өзгөртүүлөрдү киргизүү жөнүндө" мыйзамдын 2-беренесинин 2-бөлүгүнө ылайык, ушул мыйзам менен киргизилген өзгөртүүлөрдү эске алуу менен КР Конституциясынын расмий тексти президент тарабынан ушул Мыйзам күчүнө киргенден тартып он төрт күндөн кеч эмес убакта жарыяланууга тийиш. 

Мында референдумда кабыл алынган Баш мыйзамга киргизилген өзгөртүүлөрдү эске алуудан тышкары, мамлекеттик жана расмий тилдердеги тексттердин бир катар шайкеш келбестиктерин жоюуну талап кылат.

Мамлекет башчысы жасалган иштердин маанисин белгилөө менен ведомстволор аралык жумушчу топтун мүчөлөрү менен тартылган эксперттердин бул жооптуу ишти аткарууга өтө олуттуу жана дыкат мамиле жасоо зарылдыгына өзгөчө көңүл бурду.

Жаңылыктар түрмөгү
0